Daniel 7:19 - Yn Vible Casherick 1775 1819

¹⁹ Eisht va mee booiagh firrinys y gheddyn jeh’n chiarroo veisht nagh row goll-rish veg jeh’n vooinjer elley, erskyn-towse atchimagh, lesh feeacklyn dy yiarn, as e yngnyn dy phrash, va stroie, brishey ayns peeshyn, as stampey yn vooinjer elley lesh e chassyn.

Daniel 7:19 ပူးပေါင်းရင်းမြစ်များ

Daniel 7:20

As jeh ny jeih eairkyn va ayns e chione, as jeh’n eairk elley haink seose, as roish ren three jeu, tuittym, jeh’n eer eairk shen, lesh sooillyn, as beeal va boggyssagh reddyn mooarey, lesh shilley s’daaney na e heshaghyn.

Daniel 7:7

Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 7:8

Ghow mee tastey jeh ny eairkyn, as cur-my-ner, haink seose ny-vud oc eairk yiare elley, as roishyn va three jeh ny chied eairkyn er ny phluckey seose rish ny fraueyn: as cur-my-ner, ayns yn eairk shoh va sooillyn goll-rish sooillyn dooinney, as beeal boggyssagh reddyn mooarey.