Daniel 7:14 - Yn Vible Casherick 1775 1819

¹⁴ As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Daniel 7:14 ပူးပေါင်းရင်းမြစ်များ

Psalmyn 102:22

Tra ta’n pobble er nyn jaglym cooidjagh: as ny reeriaghtyn myrgeddin dy hirveish y Chiarn.

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 145:13

Ta’n reeriaght ayd’s reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Psalmyn 146:10

Bee yn Chiarn dty Yee, O Sion, ny Ree er son dy bragh: as trooid magh dy chooilley heeloghe.

Psalmyn 45:6

Ta dty hideyn feer virragh, as bee’n pobble er nyn injillaghey hood’s: hed dty hideyn trooid cree noidyn y ree.

Psalmyn 72:11

Nee dy chooilley ree tuittym sheese kiongoyrt rish: nee dy chooilley ashoon eh y hirveish.

Psalmyn 72:17

Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.

Psalmyn 8:6

T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Isaiah 16:5

As ayns myghin vees yn stoyl-reeoil er ny hickyraghey, as ayns ynrickys nee eh soie er ayns cabbane-agglish Ghavid, briwnys, as shirrey briwnys, as cur cairys er y hoshiaght.

Isaiah 60:12

Son yn ashoon as y reeriaght shen nagh jean shirveish ort, nee ad cherraghtyn; dy jarroo, bee ny ashoonyn shen dy slane bollagh er nyn stroie.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Daniel 2:35

Eisht va’n yiarn, yn chray, yn phrash, yn argid, as yn airh brisht ayns peeshyn dy cheilley, as v’ad casley rish coau yn laare-vooie-souree, as heeb yn gheay lesh ersooyl ad, nagh row ynnyd erbee ry-gheddyn daue, as haink y chlagh, woaill y jalloo, dy ve slieau mooar, as lhieen eh yn slane seihll.

Daniel 2:37

T’ou uss, O ree, dty ree dy reeaghyn, son ta Jee ny flaunys er choyrt dhyt reeriaght, pooar, as niart, as gloyr.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 3:4

Eisht ren yn armyder fockley-magh eam dy ard, Diuish te er ny harey, O phobble, ashoonyn as glaraghyn,

Daniel 4:3

S’mooar ta e chowraghyn! as s’niartal ta e yindyssyn! ta’n reeriaght echeysyn reeriaght dy bragh farraghtyn, as e reiltys veih sheeloghe gys sheeloghe.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Daniel 7:18

Agh gowee nooghyn yn er smoo syrjey yn reeriaght, as bee eh oc ayns nyn gummal son dy bragh, eer son dy bragh as dy bragh.

Daniel 7:27

As bee yn reeriaght as y reiltys, as mooadys y reeriaght fo ooilley niau, er ny choyrt da pobble noo yn er smoo syrjey, ta e reeriaght reeriaght dy bragh farraghtyn, as nee dy chooilley reiltys shirveish, as cur biallys da.

Obadiah 1:21

As hig saualtee seose er cronk Zion, dy vriwnys cronk Esau, as bee yn reeriaght lesh y Chiarn.

Micah 4:7

As ver-ym sluight jeeish va baccagh, as neem’s ashoon lajer jeeish va eiyrit foddey magh; as nee yn Chiarn reill harrystoo ayns cronk Zion, veih shoh magh dy jarroo son dy bragh.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Luke 1:33

As nee eh reill harrish thie Yacob gys earishyn foddey beayn, as er e reeriaght cha bee jerrey erbee.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Ean 12:34

Dreggyr y pobble eh, Ta shin er chlashtyn ass y leigh, dy vel Creest tannaghtyn son dy bragh: as kys t’ou uss gra, dy vel y Mac dooinney dy ve troggit seose? quoi yn Mac dooinney shoh?

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Hebrewnee 12:28

Shen-y-fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 3:21

Dasyn ta geddyn y varriaght low-yms dy hoie mârym er my stoyl-reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl-reeoil echeysyn.