Daniel 7:13 - Yn Vible Casherick 1775 1819

¹³ Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:13 ပူးပေါင်းရင်းမြစ်များ

Psalmyn 110:2

Nee’n Chiarn lorg dty phooar y chur veih Sion: bee uss dt’er-reill, eer ayns mean dty noidyn.

Psalmyn 2:8

Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Psalmyn 47:5

Ta Jee er gholl seose lesh kiaulleeaght ghennal: as y Chiarn lesh feiyr y chayrn.

Jeremiah 49:19

Cur-my-ner, hig eh seose myr lion veih brooinyn Yordan noi ynnyd-vaghee yn treanagh: agh ver-yms er dy leah cur cooyl r’ee; as quoi ta’n reih dooinney dunnal dooys dy endeil ee? son quoi ta casley rhym’s? as quoi nee pointeil traa dou? as quoi yn bochilley shen nee shassoo roym?

Ezekiel 1:26

As erskyn yn aer va harrish nyn ghing, va co-chaslys stoyl-reeoil, goll-rish clagh sapphire, as er co-chaslys yn stoyl-reeoil va myr dy beagh eh jalloo dooinney er-y-skyn.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 7:12

Agh er son y chooid elley jeh ny beishtyn, va’n reiltys er ny ghoaill voue: ny-yeih va bea sodjey currit daue, son imbagh as son traa.

Daniel 7:2

Loayr Daniel as dooyrt eh, Honnick mee ayns m’ashlish ’syn oie, as cur-my-ner, va ny kiare geayghyn yn aer, as ad streeu er yn aarkey vooar.

Daniel 7:22

Derrey haink y chenn-ayr dy laghyn, as va briwnys er ny choyrt da nooghyn yn er smoo syrjey; as haink y traa, dy ghow ny nooghyn yn reeriaght ayns nyn gummal.

Daniel 7:9

Yeeagh mee derrey va ny stuill-reeoil soit, as dy ren y chenn-ayr dy laghyn soie, va e gharmad gial myr sniaghtey, as folt e chione myr ollan ghlen: va’n stoyl-reeoil echeysyn myr y lossey aile, as e whueeylyn goll-rish yn aile ta lostey.

Daniel 8:15

As haink eh gy-kione, tra va mish, eer mish Daniel er vakin yn ashlish, as er hirrey bun er, eisht cur-my-ner, hass kiongoyrt rhym myr co-chaslys dooinney.

Noo Mian 13:41

Ver yn Mac dooinney magh e ainleyn, as teiyee ad ass e reeriaght dy chooilley nhee ta tayrn sleih gys peccah, as adsyn ta cur-rish yn olk;

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish, shen y traa hoie-ys eh er stoyl-reeoil e ghloyr.

Noo Mian 26:64

Dooyrt Yeesey rish, T’ou uss er ghra eh: ny-yeih ta mish gra riu, Ny lurg shoh hee shiu Mac y dooinney ny hoie er laue yesh yn phooar, as cheet ayns bodjallyn yn aer.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Mark 13:26

As eisht hee ad Mac y dooinney cheet ayns ny bodjallyn, lesh pooar as ard-ghloyr.

Noo Luke 21:27

As eisht hee ad Mac y dooinney cheet ayns bodjal lesh pooar as ard-ghloyr.

Noo Luke 21:36

Bee-jee er nyn dwoaie er-y-fa shen, as bee-jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy-kione, as dy hassoo kiongoyrt rish Mac y dooinney.

Noo Luke 24:27

As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Noo Ean 12:34

Dreggyr y pobble eh, Ta shin er chlashtyn ass y leigh, dy vel Creest tannaghtyn son dy bragh: as kys t’ou uss gra, dy vel y Mac dooinney dy ve troggit seose? quoi yn Mac dooinney shoh?

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Noo Ean 5:27

As t’eh er choyrt da pooar dy yannoo briwnys myrgeddin, er-y-fa dy nee Mac y dooinney eh.

Jannoo 7:56

As dooyrt eh, Cur-my-ner, hee-ym ny niaughyn foshlit, as Mac y dooinney ny hassoo er laue yesh Yee.

1 Thessalonianee 4:17

Eisht vees shinyn ta bio, as er-mayrn, goit seose cooidjagh mâroosyn ayns ny bodjallyn, dy gholl quail y Chiarn ayns yn aer: as myr shen bee mayd dy bragh marish y Chiarn.

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh-hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co-chaslyssyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

Ashlish 1:13

As ayns mean ny shiaght cainleyryn, fer goll-rish yn Mac dooinney, coamrit lesh garmad sheese gys ny cassyn, as kianlt mysh e chleeau lesh cryss dy airh.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.

Ashlish 1:7

Cur-my-ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 14:14

As yeeagh mee, as cur-my-ner, bodjal gial, as er y vodjal hoie fer, goll-rish y Mac dooinney, lesh attey dy airh er e chione, as corran gyere ayns e laue.