Daniel 7:1 - Yn Vible Casherick 1775 1819

¹ Ayns y chied vleïn jeh Belshazzar ree Vabylon, va dreamal ec Daniel, ashlishyn e chione er e lhiabbee: eisht scrieu eh yn dreamal, as hoilshee eh bun y chooish.

Daniel 7:1 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Genesis 46:2

As loayr Jee rish Israel ayns ashlishyn ny hoie, as dooyrt eh, Yacob, Yacob. As dooyrt eh, Ta mee ayns shoh.

Lioar Yob 4:13

Myr ayns smooinaghtyn veih ashlishyn yn oie, tra ta cadley trome tuittym er deiney,

Isaiah 30:8

Immee nish, scrieu eh kiongoyrt roo er boayrd, as soie sheese eh ayns lioar, dy vod eh ve ry-akin son y traa ry-heet, son dy bragh as dy bragh;

Isaiah 8:1

Ny-sodjey na shoh, dooyrt y Chiarn rhym, Gow lioar vooar, as scrieu ayn lesh goan baghtal mychione Maher-shalal-hash-baz.

Jeremiah 23:28

Yn phadeyr ta dreamal echey, lhig da e ghreamal y insh; as eshyn ta my ghoo’s echey, lhig da my ghoo y loayrt dy firrinagh. Cre ta’n coau ayns soylaghey da’n churnaght, ta’n Chiarn dy ghra.

Jeremiah 27:7

As nee dy chooilley ashoon eshyn y hirveish, as e vac, as y mac echeysyn, derrey hig eer traa yn cheer echeysyn mygeayrt; as eisht bee ymmodee ashoonyn as reeaghyn mooarey shirveishit liorishyn.

Jeremiah 36:32

Eisht ghow Jeremiah lioar elley, as hug eh da Baruch yn scrudeyr eh, mac Neriah; ren scrieu ayn veih beeal Yeremiah, ooilley ny goan va ’sy lioar va Jehoiakim ree Yudah er lostey ’syn aile: as va currit huc mâroo shen ymmodee goan elley jeh’n vree cheddin.

Jeremiah 36:4

Eisht deïe Jeremiah er Baruch mac Neriah: as ren Baruch scrieu ayns y lioar veih beeal Yeremiah ooilley goan y Chiarn, v’eh er loayrt rish.

Ezekiel 1:1

Nish haink eh gy-kione ayns y jeihoo vleïn as feed, ayns y chiarroo vee, er y wheiggoo laa jeh’n vee, (myr va mee mastey ny cappeeyn, liorish awin Chebar) dy row ny niaughyn foshlit, as honnick mee ashlishyn Yee.

Ezekiel 40:2

Ayns ashlishyn Yee hug eh lesh mee gys thalloo Israel, as lhig eh sheese mee er slieau feer ard, er-gerrey da shen va cummey dy ard-valley er y jiass.

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 2:1

As ayns y nah vleïn jeh reill Nebuchadnezzar, honnick Nebuchadnezzar ashlish ayns e ghreamallyn, hug sneih er e spyrryd, as hie e chadley voish.

Daniel 2:26

Dreggyr y ree, as dooyrt eh rish Daniel, va enmyssit Belteshazzar, Vel uss son soilshaghey dooys yn dreamal, as dy choyrt bun er?

Daniel 4:13

Honnick mee ayns ashlishyn my chione er my lhiabbee, as cur-my-ner, haink arreyder, as fer flaunyssagh neose veih niau.

Daniel 4:5

Honnick mee ashlish, daggle mee, as ren ny smooinaghtyn er my lhiabbee, as ashlishyn my chione m’y voirey.

Daniel 5:1

Ren Belshazzar y ree cuirraghyn mooarey da thousane jeh e hiarnyn, as diu eh feeyn marish y thousane.

Daniel 5:22

As cha vel uss e vac, O Velshazzar, er n’injillaghey dty chree, ga dy row fys ayd’s er ooilley shoh;

Daniel 5:30

’Syn oie cheddin va Belshazzar ree ny Caldeanee er ny varroo.

Daniel 7:13

Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:15

Va mish Daniel seaghnit ayns my spyrryd, cheu-sthie jeh my chorp, as va ashlishyn my chione dy my voirey.

Daniel 7:7

Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 8:1

Ayns y trass vleïn jeh reill ree Belshazzar, haink ashlish orrym, eer orrym’s Daniel, lurg shen haink orrym ec y toshiaght.

Joel 2:28

As hig eh gy-kione ny lurg shen, dy deayrt-yms magh my spyrryd er dy chooilley pheccagh, as nee ny mec as ny inneenyn eu phadeyrys, bee dreamallyn ec ny shenn gheiney eu, nee ny deiney aegey eu ashlishyn y akin.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Habakkuk 2:2

As dreggyr y Chiarn, as dooyrt eh, Scrieu yn ashlish, as jean eh cronnal er buird screeuee, dy vod eshyn roie ta lhaih eh.

Earrooyn 12:6

As dooyrt eh, Eaisht-jee nish rish my ghoan; My ta phadeyr ny mast’ eu, Mish y Chiarn, nee soilshaghey mee hene da ayns ashlish, as loayr-ym rish aym’s dreamal.

Romanee 15:4

Son cre-erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

2 Corinthianee 12:1

Agh cha lhiass dou boggyssagh veg sodjey: hig-ym nish gys shillaghyn as ashlishyn y Chiarn.

Ashlish 1:19

Scrieu ny reddyn t’ou er vakin, as ny reddyn ta, as ny reddyn vees ny yeï shoh,

Ashlish 10:4

As tra va ny shiaght taarnaghyn erreish fockley-magh nyn goraa, va mee kiarit dy scrieu: as cheayll mee coraa veih niau, gra rhym, Seal seose ny reddyn shen ta ny shiaght taarnaghyn er vockley-magh, as ny scrieu ad.