Daniel 6:8 - Yn Vible Casherick 1775 1819

⁸ Nish, O ree, jean y slattys breeoil, as cur dty laue huggey, nagh bee eh er ny chaghlaa cordail rish leigh ny Medeyn as ny Persianee, nagh vel caghlaa.

Daniel 6:8 ပူးပေါင်းရင်းမြစ်များ

Esther 1:19

My s’gooidsave lesh y ree, lhig da jannoo sarey reeoil, as lhig da ve scruit mastey leighyn ny Persianee, as ny Medeyn, nagh bee er ny chaghlaa, nagh jig Vashti arragh ayns fenish ree Ahasuerus, as lhig da’n ree stowal y stayd reeoil eck er unnane elley ta ny share na ish.

Esther 3:12

Eisht va scrudeyryn y ree er ny eam yn trass laa yeig jeh yn chied vee, as ve scruit cordail rish ooilley ny doardee Haman dauesyn v’ayns pooar fo yn ree, gys ny kiannoortyn va harrish dy chooilley heer, as fir-reill dagh pobble, cordail rish yn aght screeuee oc hene, as gys dy chooilley ashoon lurg nyn ghlare; ayns ennym ree Ahasuerus hie eh er scrieu, as ve sealit lesh fainey yn ree.

Esther 8:10

As scrieu eh ayns ennym ree Ahasuerus, as seal eh eh lesh fainey yn ree, as hug eh screeunyn lesh postyn er cabbil, as markee er muleyn, camelyn, as dromedareeyn aegey:

Esther 8:3

As loayr Esther reesht fenish y ree, as huitt ee sheese ec e chassyn, as ghuee ee lesh jeïr, dy lhiettal olkys Haman yn Agagite, as e ghrogh choyrle va ayns e chree noi ny Hewnyn.

Esther 8:8

Scrieu-jee myrgeddin ayns lieh ny Hewnyn, myr sailliu, ayns ennym y ree, as seal-jee eh lesh fainey yn ree: son yn order ta scruit ayns ennym y ree, as sealit lesh fainey yn ree, cha jig lesh dooinney erbee goll n’oï.

Psalmyn 94:21

T’ad chaglym cooidjagh noi annym y dooinney cairagh: as deyrey gys baase yn uill neu-chyndagh.

Isaiah 10:1

Smerg dauesyn ta coyrt briwnys mee-chairagh, as dauesyn ta scrieu ny oardaghyn seaghnagh myr te coyrt roue;

Daniel 5:28

PERES, ta dty reeriaght er ny rheynn, as er ny choyrt da ny Medeyn as ny Persianee.

Daniel 6:12

Eisht haink ad er-gerrey, as loayr eh fenish y ree, mychione y slattys reeoil; Nagh vel uss er signal slattys, dy chooilley ghooinney, nee shirrey aghin er Jee erbee ny dooinney, cheu-sthie jeh jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn? Dreggyr y ree, as dooyrt eh, S’feer eh, cordail rish leigh ny Medeyn as ny Persianee, nagh vel caghlaa.

Daniel 6:15

Eisht haggil ny deiney shoh gys y ree, as dooyrt ad rish y ree, Toig, O ree, dy vel eh leigh ny Medeyn as ny Persianee, nagh bee sarey ny slattys erbee, ta’n ree er n’yannoo, er ny chaghlaa.

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.