Daniel 6:7 - Yn Vible Casherick 1775 1819

⁷ Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Daniel 6:7 ပူးပေါင်းရင်းမြစ်များ

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

Psalmyn 59:3

Son cur-my-ner, t’ad lhie farkiaght son my vioys: ta ny deiney niartal er nyn jaglym m’oï, fegooish foill ny aggair erbee voym’s, O Hiarn.

Psalmyn 59:5

Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Psalmyn 62:4

Ta’n smooinaghtyn croutagh oc ny-lomarcan kys dy chur eshyn sheese baillish Jee y hoiaghey seose: t’ad goaill taitnys ayns breagyn; t’ad cur goan mie lesh nyn meeal, agh gweeaghyn ayns nyn gree.

Psalmyn 83:5

Son t’ad er chur nyn ghing cooidjagh lesh un aigney: as er n’yannoo conaant cooidjagh dt’oï’s;

Psalmyn 94:20

Bee veg ayd’s dy yannoo rish y stoyl-briwnys dy vee-chairys: ta cummey yn aggair myr y leigh?

Daniel 2:4

Eisht loayr ny Caldeanee rish y ree ayns Syriack, Dy voddey beayn dhyt’s, O ree: insh da dty harvaantyn y dreamal, as soilshee mayd dhyt cre t’er ny hoiggal liorish.

Daniel 3:11

As quoi-erbee nagh jean tuittym sheese as cur ooashley, dy bee eh ceaut stiagh ayns mean y choirrey aileagh-loshtee.

Daniel 3:2

Eisht hug Nebuchadnezzar y ree chaghteraght dy haglym cooidjagh ny princeyn, ny kiannoortyn, ny captanyn, ny briwnyn, ny fir-tashtee, ny fir-choyrlee, ny toshee-yioarree, as ooilley fir-reill ny rheamyn, dy heet gys casherickey yn jalloo, va Nebuchadnezzar yn ree er hoiaghey seose.

Daniel 3:27

As honnick ny princeyn, ny kiannoortyn, as captanyn, as fir-choyrlee yn ree, va er jaglym cooidjagh, ny deiney shoh, er ny kirp oc cha row pooar ec yn aile, chamoo va renaig eh nyn ghing daahjit, chamoo va caghlaa erbee er nyn goamraghyn, ny soar yn aile er jeet orroo.

Daniel 3:6

As quoi-erbee nagh jean tuittym sheese, as ooashley y choyrt, bee eh ceaut ’syn oor cheddin stiagh ayns mean coirrey aileagh-loshtee.

Daniel 6:16

Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Daniel 6:22

Ta my Yee er choyrt e ainle, as er yeigh beïll ny lionyn, nagh vel ad er n’yannoo skielley dou: son wheesh as kiongoyrt rishyn va mee er my gheddyn gyn loght; as myrgeddin kiongoyrt rhyt’s, O ree, cha vel mee er n’yannoo aggair.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Nahum 2:12

Ren y lion raipey nyn saie son e whuallianyn, as stroie son e lionyn bwoirryn, as lhieen eh yn chagh echey lesh cragh, as ny ooigyn echey lesh convayrtyn.

Noo Mian 12:14

Eisht hie ny Phariseeyn magh, as hug ad nyn goyrle dy cheilley n’oï, kys oddagh ad eh y stroie.

Noo Mian 26:4

As hug ad nyn goyrle dy cheilley, mychione Yeesey y ghoaill dy follit, as dy choyrt eh gy-baase.

Noo Mark 15:1

As chelleeragh ayns y voghrey hug ny ard-saggyrtyn, as y chanstyr, as ny scrudeyryn, as y slane coonceil, nyn goyrle dy cheilley, as chiangle ad Yeesey, as leeid ad eh ersooyl, as livrey ad eh gys Pilate.

Noo Ean 12:10

Agh hug ny ard-saggyrtyn nyn goyrle dy cheilley, mychione Lazarus myrgeddin y choyrt gy-baase;