Daniel 6:27 - Yn Vible Casherick 1775 1819

²⁷ T’eh livrey, as coyrt feaysley, as t’eh gobbraghey cowraghyn as yindyssyn, ayns niau, as er y thalloo, ta er livrey Daniel veih pooar ny lionyn.

Daniel 6:27 ပူးပေါင်းရင်းမြစ်များ

Lioar Yob 36:15

T’eh livrey yn voght ayns e heaghyn, as fosley nyn gleayshyn ayns nyn jennid:

Psalmyn 145:13

Ta’n reeriaght ayd’s reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Psalmyn 18:48

Yn Jee hene ta fakin dy goym cooilleeney: as ta coyrt yn pobble fo my smaght.

Psalmyn 18:50

Son yn oyr shoh ver-yms booise dhyt, O Hiarn, mastey ny Ashoonyn: as goym arraneyn-moyllee gys dt’Ennym.

Psalmyn 32:7

Son shoh nee dagh dooinney ta crauee, jannoo e phadjer hood, ayns traa oddys oo v’er dty gheddyn: agh ayns ny thooillaghyn mooarey dy ushtey cha jig ad ny choair.

Psalmyn 35:17

Hiarn, caïd yeeaghys oo er shoh: O livrey m’annym veih ny seaghyn t’ad cur lhieu orrym, as m’annym veih ny lionyn.

Psalmyn 97:10

O shiuish ta graihagh er y Chiarn, jeeagh-jee dy der shiu dwoaie da’n olk: ta’n Chiarn coadey anmeenyn e nooghyn; nee eh ad y livrey veih laue ny mee-chrauee.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 4:31

Choud as va’n goo foast ayns beeal y ree, haink coraa veih niau, gra, Ort’s, O ree Nebuchadnezzar, te sarit, Ta’n reeriaght er n’immeeaght voïd’s.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Daniel 6:20

As tra haink eh gys yn ooig, deïe eh lesh coraa treih-hrimshagh er Daniel, as loayr y ree, as dooyrt eh rish Daniel, O Ghaniel, shirveishagh y Jee bio, vel dty Yee, t’ou dy hirveish dy kinjagh, abyl uss y livrey veih ny lionyn?

Noo Ean 4:48

Eisht dooyrt Yeesey rish, Mannagh vaik shiu cowraghyn as yindyssyn, cha jean shiu credjal.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrilyn, as giootyn y Spyrryd Noo, cordail rish e aigney hene?

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.