Daniel 6:18 - Yn Vible Casherick 1775 1819

¹⁸ Eisht hie yn ree gys e phlaase, as cheau eh yn oie ny hrostey: chamoo va greïnyn-kiaullee currit lhieu huggey, as hie e chadley veih.

Daniel 6:18 ပူးပေါင်းရင်းမြစ်များ

2 Samuel 19:24

As haink Mephibosheth mac Saul neose quail y ree, as cha row eh chamoo er niee e chassyn, ny er vaarey e aasaag, ny er chaghlaa e choamrey er-dyn laa hie’n ree roish derrey’n laa haink eh reesht ayns shee.

1 Reeaghyn 21:27

As haink eh gy-kione, tra cheayll Ahab ny goan shoh, dy raip eh e choamraghyn, as chur eh aanrit-sack er e chorp, as hrosht eh, as lhie eh ayns aanrit-sack, as huill eh dy trimshagh.

Esther 6:1

Er yn oie shen cha daink cadley er y ree, as doardee eh lioar recortyssyn y reeriaght dy ve er ny choyrt, lesh huggey, as v’ad lhaiht ayns clashtyn y ree.

Lioar Yob 21:12

T’ad goaill y timbrel as y chlaasagh, as t’ad gennal ec kiaull yn organ.

Psalmyn 137:2

Er son ny claasaghyn ain, hrogh shin ad seose: er ny biljyn ta ayns shen.

Psalmyn 77:4

T’ou cummal my hooillyn dooisht: ta mee cha annoon nagh voddym loayrt.

Ecclesiastes 2:8

Haggil mee dou hene myrgeddin argid as airh, as ard-verchys reeaghyn as rheamyn: hooar mee dou hene deiney as mraane kiaullee, as eunyssyn cloan gheiney, lheid as greinyn-kiaullee, jeh dy chooilley horch.

Dobberan 3:53

T’ad er yiarey jeh my vioys ayns pryssoon, as er lhie lhiack orrym.

Daniel 10:3

Cha d’ee mee arran lesh blass erbee, chamoo haink feill ny feeyn er my veeal, chamoo ren mee my hene y ooilaghey, derrey va three slane shiaghtinyn ec kione.

Daniel 2:1

As ayns y nah vleïn jeh reill Nebuchadnezzar, honnick Nebuchadnezzar ashlish ayns e ghreamallyn, hug sneih er e spyrryd, as hie e chadley voish.

Daniel 6:19

Eisht dirree yn ree traa mie moghrey, as hie eh ayns siyr gys ooig ny lionyn.

Ashlish 18:22

As cha bee kiaull claaseyderyn, as fir-chiaullee, as piperyn, as fir-chayrnee, arragh er ny chlashtyn aynyd’s; as cha bee fir-cheirdey jeh keird erbee, arragh ry-gheddyn aynyd’s; as cha bee feiyr y chlagh-wyllin ny smoo er ny chlashtyn aynyd’s.