Daniel 6:16 - Yn Vible Casherick 1775 1819

¹⁶ Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Daniel 6:16 ပူးပေါင်းရင်းမြစ်များ

2 Samuel 3:39

As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

Lioar Yob 5:19

Nee eh uss y livrey ayns shey seaghyn, eer ayns shiaght cha jig olk erbee dty choair.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Jeremiah 26:14

Er my hon’s, cur-my-ner, ta mee ayns nyn laueyn; jean-jee rhym myr hee shiu mie as cooie.

Jeremiah 38:5

Eisht dooyrt Zedekiah yn ree, Cur-my-ner, t’eh ayns y laue eu: son cha nee yn ree oddys nhee erbee y yannoo noi nyn aigney.

Jeremiah 38:6

Eisht ghow ad Jeremiah, as hilg ad eh ayns dungeon Valchiah mac Hammelech, va ayns cooyrt y phryssoon: as lhig ad sheese Jeremiah lesh coyrdyn. As ayns y dungeon cha row ushtey erbee, agh laagh; myr shen dy row Jeremiah dowin ’sy laagh.

Jeremiah 39:17

Agh livrey-yms oo ayns y laa shen, ta’n Chiarn dy ghra, as cha jig oo fo yn phooar ocsyn t’ou ayns aggle roue.

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

Daniel 3:17

My she shen myr te, ta slane fort ec y Jee ain, ta shin dy hirveish, dy livrey shin veih’n choirrey aileagh-loshtee, as nee eh shinyn y livrey ass dty laueyn’s, O ree.

Daniel 3:28

Eisht loayr Nebuchadnezzar, as dooyrt eh, Bannit dy row Jee Shadrach, Meshach as Abed-nego, ta er choyrt e ainle, as er livrey e harvaantyn, hug nyn marrant er, as er chaghlaa goo yn ree, as er livrey seose nyn girp, nagh jinnagh ad shirveish, ny ooashlaghey jee erbee, er-lhimmey jeh’n Jee oc hene.

Daniel 6:20

As tra haink eh gys yn ooig, deïe eh lesh coraa treih-hrimshagh er Daniel, as loayr y ree, as dooyrt eh rish Daniel, O Ghaniel, shirveishagh y Jee bio, vel dty Yee, t’ou dy hirveish dy kinjagh, abyl uss y livrey veih ny lionyn?

Daniel 6:7

Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Jannoo 24:27

Agh ec kione daa vleïn haink Portius Festus ayns ynnyd Felix: as son dy row Felix booiagh jannoo nhee taitnyssagh da ny Hewnyn, daag eh Paul ny phryssoonagh.

Jannoo 25:11

Son my ta mee my ghrogh-yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Jannoo 25:9

Agh Festus, liorish dy row eh aggindagh ny Hewnyn y wooiys, dreggyr eh Paul as dooyrt eh, Nailt’s goll seose gys Jerusalem, ayns shen dy ve er dty vriwnys son ny reddyn shoh kiongoyrt rhym’s?

Romanee 13:3

Son cha vel fir-reill oyr aggle da obbraghyn mie, agh da drogh obbraghyn. Nailt eisht ve gyn aggle jeh’n phooar? jean shen ta mie, as yiow moylley er y hon:

2 Corinthianee 1:10

Eh ren livrey shin veih baase cha dewil, as ta livrey shin: aynsyn ta shin treishteil dy jean eh foast livrey shin: