Daniel 6:13 - Yn Vible Casherick 1775 1819

¹³ Eisht dreggyr ad, as dooyrt ad kiongoyrt rish y ree, Cha vel Daniel shen, ta jeh cloan cappeeys Yudah jannoo soiaghey jeed, O ree, ny jeh’n slattys, t’ou er signal, agh t’eh goaill e phadjer three keayrtyn ’sy laa.

Daniel 6:13 ပူးပေါင်းရင်းမြစ်များ

Esther 3:8

As dooyrt Haman rish ree Ahasuerus, Ta ashoon dy leih t’er skeayley dy lhean mastey dty phobble, ayns dy chooilley ard jeh dty reeriaght, as ta leighyn oc er-lheh noi leighyn dy chooilley phobble, chamoo t’ad freayll leighyn y ree, er-y-fa shen cha vel eh son vondeish y ree dy chur raad daue.

Daniel 1:6

Nish ny mast’ oc shoh va, jeh cloan Yudah, Daniel, Hananiah, Mishael as Azariah:

Daniel 2:25

Eisht hug Arioch lesh Daniel stiagh dy tappee kionfenish y ree, as shoh myr dooyrt eh rish, Ta mee er gheddyn dooinney jeh cloan cappeeys Yudah nee soilshaghey da’n ree bun yn ashlish.

Daniel 3:11

As quoi-erbee nagh jean tuittym sheese as cur ooashley, dy bee eh ceaut stiagh ayns mean y choirrey aileagh-loshtee.

Daniel 3:12

Ta shiartanse dy Hewnyn, t’ou er hoiaghey harrish cooishyn rheam Vabylon, Shadrach, Meshach, as Abed-nego: cha vel ny deiney shoh, O ree, er choyrt geill dhyt’s, cha vel ad shirveish ny jeeghyn ayd’s, chamoo t’ad ooashlaghey yn jalloo airh t’ou er hoiaghey seose.

Daniel 3:8

Shen-y-fa ec y traa cheddin haink shiartanse dy Chaldeanee er-gerrey, as hug ad stiagh plaiynt noi ny Hewnyn.

Daniel 5:13

Eisht hug ad lhieu Daniel stiagh fenish y ree; as loayr y ree, as dooyrt eh rish Daniel, Nee uss yn Daniel shen, ta jeh cappeeys cloan Yudah, hug y ree my ayr lesh veih Jewry?

Jannoo 17:7

As ta Jason er chur aaght daue: as t’ad shoh ooilley jannoo noi oardaghyn Cesar, gra dy vel ree elley ayn, enmyssit Yeesey.

Jannoo 5:29

Eisht dansoor Peddyr as ny ostyllyn elley, gra, S’cair dooin ve ny s’biallee da Jee na da deiney.