Daniel 6:10 - Yn Vible Casherick 1775 1819

¹⁰ Nish tra hoig Daniel dy row ny screeuyn signit, hie eh stiagh gys e hie, as e uinniagyn ayns e hiamyr foshlit lesh Jerusalem, hie eh er e ghlioonyn three keayrtyn ’sy laa, as ghow eh padjer, as hug eh booise kiongoyrt rish e Yee, myr bollagh eh.

Daniel 6:10 ပူးပေါင်းရင်းမြစ်များ

1 Reeaghyn 8:30

As eaisht uss rish aghin dty harvaant, as dty phobble Israel, tra nee ad padjer y ghoaill lesh yn ynnyd shoh: as jean uss clashtyn ayns niau dty ynnyd-vaghee; as tra t’ou clashtyn, jean leih daue.

1 Reeaghyn 8:38

Cre-erbee’n phadjer as aghin vees jeant liorish dooinney erbee, ny liorish ooilley dty phobble Israel, dy chooilley ghooinney ta toiggal loght e chree hene, as nee eh skeayley magh e laueyn lesh y thie shoh:

1 Reeaghyn 8:44

My ta dty phobble goll magh dy chaggey noi nyn noidyn, cre-erbee’n raad ver oo magh ad, as ad dy yannoo padjer gys y Chiarn lesh yn ard-valley t’ou uss er reih, as y thie ta mee er hroggal son dt’ennym:

1 Reeaghyn 8:54

As shoh myr ve, erreish da Solomon ve er n’yannoo jerrey er ooilley’n phadjer as yn aghin shoh gys y Chiarn, dy dirree eh veih e ghlioonyn kiongoyrt rish altar y Chiarn lesh e laueyn skeaylt seose lesh niau.

2 Recortyssyn 6:13

(Son va Solomon er n’yannoo pulpit prashey, queig cubityn er lhiurid, as queig cubityn er lheead, as three cubityn er yrjid, as v’eh er hoiaghey eh ayns mean y chooyrt: as er shen hass eh, as ghlioon eh sheese er e ghlioonyn kiongoyrt rish ooilley chaglym-cooidjagh Israel, as skeayl eh magh e laueyn gys niau)

2 Recortyssyn 6:38

My hyndaa-ys ad reesht hood’s lesh ooilley nyn gree, as lesh ooilley nyn annym, ayns cheer nyn gappeeys, huggey t’ad er nyn goyrt lhieu, as dy gow ad padjer lesh nyn eddin gys y cheer shoh hug oo da nyn ayraghyn, as gys yn ard-valley t’ou er reih, as gys y thie ta mish er hroggal son dt’ennym:

Ezra 9:5

As ec yn oural-fastyr, dirree mee seose veih my hrimshey, as lurg dou v’er raipey my gharmad, as my chloagey, huitt mee er my ghlioonyn as skeayl mee magh my laueyn gys y Chiarn my Yee,

Nehemiah 6:11

As dooyrt mee, Cre, lheid y dooinney as mish dy choyrt cooyl? quoi’n dooinney ’syn oik cheddin, ragh stiagh ’sy chiamble dy hauail e vioys? Cha jem stiagh ayn.

Psalmyn 34:1

Ver-yms dy kinjagh booise da’n Chiarn: bee e voylley dy bragh ayns my veeal.

Psalmyn 5:7

Agh er my hon’s, hig-ym gys dty hie, er eer ymmodee dty vyghin: as ayns dty aggle ver-yms ooashley kiongoyrt rish dty hiamble casherick.

Psalmyn 55:17

Er my hon’s, eïe-ym er Jee: as nee’n Chiarn m’y hauail.

Psalmyn 86:3

Bee trocoil dooys, O Hiarn: son nee’m geamagh ort’s gagh laa.

Psalmyn 95:6

O tar-jee, lhig dooin ooashley y choyrt, as tuittym sheese: as gliooney kiongoyrt rish y Chiarn y Fer ren shin.

Daniel 6:13

Eisht dreggyr ad, as dooyrt ad kiongoyrt rish y ree, Cha vel Daniel shen, ta jeh cloan cappeeys Yudah jannoo soiaghey jeed, O ree, ny jeh’n slattys, t’ou er signal, agh t’eh goaill e phadjer three keayrtyn ’sy laa.

Daniel 9:4

As ghow mee padjer gys y Chiarn my Yee, as ghow mee rish my pheccaghyn, as dooyrt mee, O Hiarn, y Jee mooar as atchimagh, freayll y conaant as myghin ny chour ocsyn ta graihagh er, as nyn gour-syn ta freayll e annaghyn:

Jonah 2:4

Eisht dooyrt mee, Ta mee ceaut magh ass dty hilley; agh ny-yeih nee’m jeeaghyn reesht lesh dty hiamble casherick.

Noo Mark 3:3

As dooyrt eh rish y dooinney lesh y laue shyrgit, Shass magh.

Noo Luke 14:26

My hig dooinney erbee hym’s, as nagh vel graih sloo echey er e ayr as e voir, as e ven, as e chloan, as e vraaraghyn, as e hayraghyn, dy jarroo, as er e vioys hene [na orrym’s] cha vod eh dy firrinagh gynsaghey voym’s.

Noo Luke 22:41

As hie eh voue, mysh choud as hilgagh fer clagh, as huitt eh er e ghlioonyn, as ghow eh padjer,

Jannoo 10:9

Laa-ny-vairagh myr v’ad goll er nyn yurnah, as tayrn er-gerrey da’n ard-valley, hie Peddyr seose ’syn ard-shamyr gys padjer, mysh y cheyoo oor.

Jannoo 2:15

Son cha vel ad shoh er-meshtey, myr ta shiuish dy heiltyn, fakin nagh vel eh agh yn trass oor jeh’n laa.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 20:36

As tra v’eh er ghra shoh, ghlioon eh sheese, as ghow eh padjer mâroo ooilley.

Jannoo 21:5

As tra va ny laghyn ec kione, jimmee shin roïn, as hie shin er nyn raad; as hie ad ooilley magh mârin dy chur shin er nyn doshiaght er nyn yurnah, mârish mraane as cloan, derrey va shin mooie ass y valley: as ghlioon shin sheese er y traie, as ghow shin padjer.

Jannoo 3:1

Nish hie Peddyr as Ean seose cooidjagh gys y chiamble, ec oor y phadjer, ta shen, yn nuyoo oor.

Jannoo 4:29

As nish, Hiarn, cur-my-ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh,

Jannoo 5:20

Immee-jee, as shass-jee, as loayr-jee ayns y chiamble rish y pobble ooilley goan y vea shoh.

Jannoo 5:29

Eisht dansoor Peddyr as ny ostyllyn elley, gra, S’cair dooin ve ny s’biallee da Jee na da deiney.

Jannoo 7:60

As ghlioon eh sheese, as deïe eh lesh ard-choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

Ephesianee 3:14

Son yn oyr shoh ta mee croymmey my ghlioonyn gys Ayr nyn Jiarn Yeesey Creest,

Philippianee 1:14

As ta ymmodee jeh ny braaraghyn ayns y Chiarn, er n’aase dunnal liorish my gheulaghyn’s, foddey s’creeoil dy loayrt yn goo fegooish aggle.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Philippianee 4:6

Ny bee-jee imneagh son nhee erbee: agh ayns dy chooilley nhee liorish padjer as accan lesh toyrt-booise, lhig da ny aghinyn eu ve soilshit da Jee.

Colossianee 3:17

As cre-erbee ta shiu gra ny jannoo, jean-jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

Hebrewnee 4:16

Lhig dooin er-y-fa shen cheet lesh dunnallys gys stoyl-reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.

Ashlish 2:13

Shione dou dty obbraghyn, as dty chummal, dy jarroo raad ta stoyl-reill Noid-ny-hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh-spyrryd cummal.