Daniel 5:9 - Yn Vible Casherick 1775 1819

⁹ Eisht va ree Belshazzar dy mooar seaghnit, as va e eddin er ny chaghlaa, as chaill e hiarnyn nyn dappey.

Daniel 5:9 ပူးပေါင်းရင်းမြစ်များ

Psalmyn 18:14

Lhig eh magh e hideyn, as skeayl eh ad: hug eh magh e hendreilyn, as ren eh stroie ad.

Psalmyn 48:6

Nee uss brishey lhongyn ny marrey: lesh y gheay-niar.

Jeremiah 30:6

Fênee-jee nish, as jeeagh-jee my ta dooinney er-troailt er lhiannoo? cre’n-fa eisht ta mee fakin dy chooilley ghooinney as e laueyn er e veeghyn, myr ben er-troailt, as drogh neeal er dy chooilley eddin?

Jeremiah 6:24

Ta shin er chlashtyn skeeal jeu; ta ny laueyn ain gaase moal: ta angaish er ghoaill greme orrin, as pian myr ben er-troailt.

Daniel 10:8

Shen-y-fa va mee faagit my-lomarcan, as honnick mee yn ashlish atchimagh shoh, as cha row niart faagit aynym: son va my aalid shymlit ersooyl, as cha row bree faagit aynym.

Daniel 2:1

As ayns y nah vleïn jeh reill Nebuchadnezzar, honnick Nebuchadnezzar ashlish ayns e ghreamallyn, hug sneih er e spyrryd, as hie e chadley voish.

Daniel 5:6

Eisht va eddin y ree er ny chaghlaa, as va sneih er e aigney, myr shen dy row juntyn e veeghyn er ny lhaggaghey, as woaill e ghlioonyn noi-ry-hoi.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Ashlish 6:15

As ren reeaghyn y thallooin, as ny ard-gheiney, as ny berchee, as ny ard-chaptanyn, as ny deiney pooaral, as dy chooilley ghooinney ayns bondiaght, as ooilley ayns seyrsnys, ad-hene y ollaghey ayns ooigyn, as fo creggyn ny sleityn.