Daniel 5:6 - Yn Vible Casherick 1775 1819

⁶ Eisht va eddin y ree er ny chaghlaa, as va sneih er e aigney, myr shen dy row juntyn e veeghyn er ny lhaggaghey, as woaill e ghlioonyn noi-ry-hoi.

Daniel 5:6 ပူးပေါင်းရင်းမြစ်များ

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 69:23

Lhig da’n voayrd oc ve er ny yannoo ny ribbey dy ghoaill ad-hene lesh: as lhig da ny reddyn lhisagh y ve son y foays oc, ve dauesyn oyr tuittym.

Isaiah 35:3

Niartee-jee ny laueyn faase, as jean-jee lajer ny glioonyn moal.

Isaiah 5:27

Cha bee fer skee ny snapperal ny mast’ oc; cha jig saveenys ny cadley orroo; chamoo vees cryss ny meeghyn oc er ny eaysley, ny kiangley nyn mraagyn er nyn mrishey:

Jeremiah 50:43

Haink skeeal jeu gys ree Vabylon, as daase eh lhag-lauee; ren angaish eh y ghreimmey, as pianyn myr ben er-troailt.

Ezekiel 21:7

As hig eh gy-kione, tra jir ad rhyt, Cre’n-fa t’ou gosnaghey? dy dreggyr oo, Son ny naightyn ta cheet, ver er dy chooilley chree lheïe ersooyl, as bee dy chooilley laue annoon, as hed dy chooilley spyrryd naardey, as bee dy chooilley ghlioon faase myr ushtey: cur-my-ner, te cheet, as hig eh gys kione, ta’n Chiarn Jee dy ghra.

Ezekiel 7:17

Bee dy chooilley laue faase, as dy chooilley ghlioon lhag myr ushtey.

Daniel 2:1

As ayns y nah vleïn jeh reill Nebuchadnezzar, honnick Nebuchadnezzar ashlish ayns e ghreamallyn, hug sneih er e spyrryd, as hie e chadley voish.

Daniel 3:19

Eisht va Nebuchadnezzar lane dy eulys, as va cummey e eddin er ny chaghlaa noi Shadrach, Meshach as Abed-nego: shen-y-fa, loayr eh, as doardee eh, dy jinnagh ad chiass shiaght keayrtyn smoo y choyrt ’sy choirrey na boallagh ve ayn.

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 4:5

Honnick mee ashlish, daggle mee, as ren ny smooinaghtyn er my lhiabbee, as ashlishyn my chione m’y voirey.

Daniel 5:5

Ayns yn oor cheddin, haink meïr laue dooinney magh, as scrieu eh erskyn y chainlere, er plaister voalley plaase y ree; as honnick yn ree yn ayrn jeh’n laue va scrieu.

Daniel 7:28

Choud shoh ta jerrey yn chooish. Er my hon’s Daniel, va my smooinaghtyn dy my heaghney, as neeal my eddin er ny chaghlaa orrym, agh dreill mee yn chooish ayns my chree.

Nahum 2:10

T’ee follym, as feayn, as faasagh, as ta’n cree faitagh, as ta ny glioonyn bwoalley noi-ry-hoi, as ta guin ghyere ayns ooilley nyn meeghyn, as ta neeal y dorraghys er dy chooilley eddin.

Hebrewnee 12:12

Shen-y-fa trog-jee seose ny laueyn gyn bree, as ny glioonyn annoon.