Daniel 5:4 - Yn Vible Casherick 1775 1819

⁴ Diu ad feeyn, as hug ad moylley da ny jeeghyn-jalloo dy airh, dy argid, dy phrash, dy yiarn, dy fuygh, as dy chlagh.

Daniel 5:4 ပူးပေါင်းရင်းမြစ်များ

1 Reeaghyn 1:49

As huitt atchim er ooilley ny goaldee va marish Adonijah, as hrog ad orroo, as chossyn ad dy chooilley ghooinney e raad hene.

Isaiah 42:17

Bee adsyn er ny chastey, as bee nearey trome orroosyn, ta coyrt nyn marrant er jallooyn grainnit, ta gra rish ny jallooyn lheït, Shiuish ny jeeghyn ainyn.

Isaiah 42:8

Mish y Chiarn; shen m’ennym: as my ooashley cha der-ym da fer erbee elley, ny my voylley da jallooyn grainnit.

Daniel 1:8

Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Daniel 5:23

Agh t’ou er n’irree-magh noi Chiarn ny flaunyssee, as t’ad er choyrt lhieu siyn [casherick] e hiamble kiongoyrt rhyt, as t’ou uss, as dty hiarnyn, as dty vraane, as dty cho-lhiabbee er n’iu feeyn assdoo: as t’ou er choyrt moylley da ny jeeghyn-jalloo dy argid, as airh, dy phrash, yiarn, fuygh as clagh, nagh vel fakin, ny clashtyn, ny toiggal: as y Jee shen, ayns y laue echey ta dty ennal, as ’syn enish echeysyn ta ooilley dty raaidyn, cha vel oo er ghloyraghey.

Daniel 5:3

Eisht hug ad lhieu ny siyn airh va goit ass chiamble thie Yee, va ayns Jerusalem; as diu yn ree, e phrinceyn, e vraane-poost, as e cho-lhiabbee assdoo.

Daniel 5:5

Ayns yn oor cheddin, haink meïr laue dooinney magh, as scrieu eh erskyn y chainlere, er plaister voalley plaase y ree; as honnick yn ree yn ayrn jeh’n laue va scrieu.

Amos 6:7

Shen-y-fa hed ad-hene ayns toshiaght yn nah chappeeys, as bee ny cuirraghyn rouanagh ocsyn er ny scughey.

Habakkuk 2:19

Smerg dasyn, ta gra rish y fuygh, Dooisht oo; rish y chlagh yalloo, Trog ort, nee eh m’y ynsaghey! cur-my-ner t’eh coodit harrish lesh airh as argid, agh cha vel yn ennal edyr cheu-sthie jeh.

Jannoo 17:29

Son wheesh eisht as dy nee jeh Jee haink shin, cha lhisagh shin smooinaghtyn dy vel y Dooghys-Jee goll-rish airh, ny argid, ny clagh grainnit lesh schleï as aghtallys deiney.