Daniel 5:23 - Yn Vible Casherick 1775 1819

²³ Agh t’ou er n’irree-magh noi Chiarn ny flaunyssee, as t’ad er choyrt lhieu siyn [casherick] e hiamble kiongoyrt rhyt, as t’ou uss, as dty hiarnyn, as dty vraane, as dty cho-lhiabbee er n’iu feeyn assdoo: as t’ou er choyrt moylley da ny jeeghyn-jalloo dy argid, as airh, dy phrash, yiarn, fuygh as clagh, nagh vel fakin, ny clashtyn, ny toiggal: as y Jee shen, ayns y laue echey ta dty ennal, as ’syn enish echeysyn ta ooilley dty raaidyn, cha vel oo er ghloyraghey.

Daniel 5:23 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

2 Reeaghyn 14:10

T’ou uss dy jarroo er woalley Edom, as ta dty chree er dty hroggal seose; jean boggyssagh son shoh, as fuirree ec y thie; son cre’n-fa yinnagh oo roie ayns dangere, oo-hene dy huittym ayns caggey, as Judah mayrt?

Lioar Yob 12:10

Ayns e laue ta bioys dy chooilley chretoor, as ennal ooilley sheelnaue.

Lioar Yob 31:4

Nagh vel eshyn fakin my raaidyn, as coontey ooilley my chesmadyn?

Psalmyn 104:29

Tra t’ou follaghey dt’eddin, t’ad seaghnit: tra t’ou goaill ersooyl yn ennal oc, t’ad geddyn baase, as t’ad chyndaït reesht gys nyn ooir;

Psalmyn 115:16

Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 139:3

Son cur-my-ner, cha vel fockle er my hengey: nagh vel uss, O Hiarn, dy slane toiggal.

Psalmyn 146:4

Bannit t’eshyn ta Jee Yacob echey son e chooney: as e hreishteil t’ayns y Chiarn e Yee;

Raaghyn Creeney 20:24

Ta kesmadyn dooinney fo reill y Chiarn, kys oddys dooinney eisht e raad hene y hoiggal?

Isaiah 13:11

As neem’s kerraghey yn seihll son nyn ghrogh-yannoo, as ny mee-chrauee son nyn neu-chairys; as ver-ym er kione-ardys yn vooinjer voyrnagh dy scuirr, as ver-ym sheese dy injil mooaralys yn vooinjer atchimagh.

Isaiah 14:13

Son dy vel oo er ghra ayns dty chree, Hem seose er niau, trog-yms my stoyl-reeoil erskyn rollageyn Yee; soie-yms myrgeddin er cronk yn cho-chruinnaght, ayns lhiatteeyn y twoaie:

Isaiah 2:12

Son bee laa Chiarn ny flaunyssee er dagh unnane ta moyrnagh as mooaralagh, as er dagh unnane ta ard-chreeagh, as bee eh er ny injillaghey;

Isaiah 33:10

Nish nee’m girree, ta’n Chiarn dy ghra; nish bee’m er my yrjaghey; nish neem’s mee hene y hroggal seose.

Isaiah 37:19

As er hilgey ny jeeghyn oc ’syn aile: son cha nee jeeghyn v’ad, agh obbyr-lauee gheiney, fuygh as clagh; shen-y-fa t’ad er stroie ad.

Isaiah 37:23

Quoi shen t’ou uss er oltooaney, as er loayrt goan mollaghtagh n’oï? as quoi n’oï t’ou er n’ockley magh dty choraa, as dy mooaralagh er hroggal dty hooillyn? eer noi Jee casherick Israel.

Isaiah 42:5

Shoh myr ta’n Chiarn Jee dy ghra, eh chroo ny niaughyn, as ren skeayley magh ad; eh hug er y thalloo dy heet rish, as ooilley ny ta cheet ass; eshyn hug ennal ’sy phobble ta er, as bioys ayndoosyn ta cummal ayn;

Jeremiah 10:23

O Hiarn, ta fys aym nagh vel immeeaght dooinney fo’n reill echey hene: cha vel eh ayns dooinney ta shooyl dy oardaghey e chesmadyn hene.

Jeremiah 48:26

Jean-jee eh er-meshtey; son dirree eh magh noi yn Chiarn: bee Moab seiyt ’sy skeay echey hene, as bee eshyn neesht son faghid.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Jeremiah 50:29

Eïe-jee er ny sideyryn noi Babylon: ooilley shiuish ta lhoobey yn vhow, camp-jee noi eck chion mygeayrt: ny lhig da veg cosney ass-jee: cur-jee leagh e obbraghyn; rere myr ooilley t’ee er n’yannoo, jean-jee reeish: son t’ee er ve mooaralagh noi yn Chiarn, Fer casherick Israel.

Ezekiel 28:17

Va dty chree troggit seose kyndagh rish dty aalid, t’ou er chaghlaa dty chreenaght ayns moyrn dty hollyssid: lhieg-yms oo gys y thalloo, ver-yms ort, dy lhie oo kiongoyrt rish reeaghyn, as oo dy ve son shilley daue.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 28:5

Lesh dty chreenaght vooar, as liorish dty ghellal t’ou er vishaghey dty verchys, as ta dty chree troggit seose er coontey dty verchys:

Ezekiel 31:10

Shen-y-fa myr shoh ta’n Chiarn Jee dy ghra, Er-yn-oyr dy vel oo er hroggal seose oo hene ayns yrjid, as t’eh er heeyney seose e vaare fud ny banglaneyn thollee, as dy vel e chree gatt ayns moyrn lesh yn yrjid.

Daniel 11:12

As erreish da v’er skeayley yn earroo mooar, bee yn cree echey er ny hroggal seose, as lhieggee eh sheese ymmodee jeih thousaneyn; agh cha bee eh er ny niartaghey liorish.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Daniel 8:11

Dy jarroo ren eh soiaghey seose eh-hene dy ve eer corrym rish prince y cheshaght-chaggee, as liorishyn va’n oural-laaoil er ny ghoaill ersooyl, as ynnyd e hiamble casherick er ny lhieggal.

Habakkuk 2:4

Cur-my-ner, cha vel yn annym echeysyn ta mooaralagh, ynrick ayn: agh bee yn dooinney cairal sauchey liorish e chredjue.

Jannoo 17:25

Chamoo t’eh er ny ooashlaghey lesh laueyn deiney, myr dy beagh eh feme nhee erbee, fakin dy vel eh coyrt da ooilley bioys, as ennal, as dy chooilley nhee;

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

1 Timothy 3:6

Cha nee fer gerrit ’sy chredjue, er-aggle dy bee eh troggit seose lesh moyrn, as dy duitt eh fo briwnys y drogh-spyrryd.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 9:20

As y chooid elley jeh ny deiney nagh row er nyn stroie liorish ny kerraghyn agglagh shoh, cha ghow ad foast arrys son obbraghyn nyn laueyn, ayns gyn coyrt ooashley da jouyil, as jallooyn dy airh, dy argid, as prash, as clagh, as fuygh: nagh vod fakin, ny clashtyn, ny shooyl:

Briwnyn 16:23

Eisht va chiarnyn ny Philistinee er nyn jaglym cooidjagh dy hebbal oural-ooasle gys Dagon yn jee oc, as dy ghoaill boggey: son dooyrt ad, Ta’n Jee ain er livrey Samson nyn noid gys nyn laue.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.