Daniel 5:22 - Yn Vible Casherick 1775 1819

²² As cha vel uss e vac, O Velshazzar, er n’injillaghey dty chree, ga dy row fys ayd’s er ooilley shoh;

Daniel 5:22 ပူးပေါင်းရင်းမြစ်များ

2 Recortyssyn 33:23

As cha ren eh eh-hene y injillaghey kiongoyrt rish y Chiarn, myr va Manasseh e ayr er n’yannoo; agh hie Amon er e hoshiaght ny smessey ass ny smessey.

2 Recortyssyn 36:12

As ren eh shen ny va olk ayns shilley’n Chiarn e Yee, as cha ren eh eh-hene y injillaghey kiongoyrt rish Jeremiah yn phadeyr, va loayrt veih beeal y Chiarn.

Psalmyn 119:46

Loayr-yms jeh dty recortyssyn myrgeddin, dy jarroo fenish reeaghyn: as cha jean-ym nearey ’ghoaill.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Isaiah 13:11

As neem’s kerraghey yn seihll son nyn ghrogh-yannoo, as ny mee-chrauee son nyn neu-chairys; as ver-ym er kione-ardys yn vooinjer voyrnagh dy scuirr, as ver-ym sheese dy injil mooaralys yn vooinjer atchimagh.

Isaiah 14:13

Son dy vel oo er ghra ayns dty chree, Hem seose er niau, trog-yms my stoyl-reeoil erskyn rollageyn Yee; soie-yms myrgeddin er cronk yn cho-chruinnaght, ayns lhiatteeyn y twoaie:

Isaiah 26:10

Lhig da foayr ve soilshit da’n drogh-yantagh, ny-yeih cha n’ynsee eh cairys: ayns cheer yn ynrickys nee eh dellal dy neu-chairagh, as cha der eh my-ner ard-ooashley yn Chiarn.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Noo Mian 14:4

Son va Ean er ghra rish, Te noi yn leigh, ee dy ve ayd son ben.

Noo Mian 21:32

Son haink Ean hiuish ayns raad y chairys, as cha chred shiu eh: agh chred ny publicanee as ny drogh-vraane eh. As ga dy vaik shiu shoh, cha ghow shiu arrys ny lurg shen, dy chredjal ayn.

Noo Luke 12:47

As y charvaant shen va toiggal aigney e hiarn, as nagh dooar eh-hene aarloo, as nagh ren cordail rish e aigney, s’mooar vees y kerraghey echey.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Jamys 4:17

Shen-y-fa eshyn ta fys echey dy yannoo mie, as nagh vel dy yannoo eh, dasyn te peccah.

Jamys 4:6

Agh t’eh coyrt ny smoo dy ghrayse: shen-y-fa t’eh gra, Ta Jee cur eddin da ny mooaralee, as coyrt grayse dauesyn ta imlee.