Daniel 5:20 - Yn Vible Casherick 1775 1819

²⁰ Agh tra va e chree er n’att lesh moyrn, as e aigney er ny chreoghey ayns mooaralys, v’eh currit neose veih e stoyl-reeoil, as ghow ad e ghloyr voish:

Daniel 5:20 ပူးပေါင်းရင်းမြစ်များ

2 Reeaghyn 17:14

Ny-yeih, cha n’eaishtagh ad, agh v’ad creoi-wannallagh, myr va nyn ayraghyn, nagh ren credjal ayns y Chiarn y Jee oc.

2 Recortyssyn 32:25

Agh cha row Hezekiah booisal corrym rish y bannaght v’er ny hoilshaghey: son va e chree troggit seose; shen-y-fa haink magh jymmoose n’oï hene as noi Judah as Jerusalem.

2 Recortyssyn 36:13

As dirree eh magh myrgeddin noi ree Nebuchadnezzar, hug eh fo kiangley loo liorish Jee: agh v’eh creoi-wannallagh, as ard-chreeagh noi chyndaa gys y Chiarn Jee Israel.

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Exodus 9:17

Myr t’ou foast goaill ort dy yannoo tranlaase er my phobble, nagh lhig oo yn raad daue:

Exodus 9:7

As ren Pharaoh briaght, as cur-my-ner, cha row kione jeh maase ny Israeliteyn marroo. As va cree Pharaoh er ny chreoghey, as cha lhig eh yn raad da’n pobble.

Raaghyn Creeney 16:18

Ta moyrn goll roish toyrt-mow; as cree mooaralagh roish lhieggey.

Raaghyn Creeney 16:5

Ta dy chooilley ghooinney ard-chreeagh dwoaiagh da’n Chiarn: ga dy jean laue niartaghey laue, cha bee ad gyn kerraghey.

Isaiah 47:1

Tar neose, as soie ayns y joan, O voidyn inneen Vabylon; soie er y thalloo: cha vel stoyl-reeoil sodjey dty chour’s, O inneen ny Caldeanee: son cha bee oo ny smoo enmyssit seyr as mettey.

Jeremiah 13:18

Abbyr rish y ree as y ven-reïn, Cur-jee veue nyn moyrn, soie-jee sheese dy injil; son bee ny rheamyn eu currit sheese, eer attey nyn ghloyr.

Jeremiah 19:15

Myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam er yn ard-valley shoh, as er ooilley e baljyn, ooilley yn olk ta mee er n’ockley magh noi eck; er-yn-oyr dy vel ad er chreoghey nyn mwannal noi geaishtagh rish my ghoan’s.

Jeremiah 48:18

Tar neose, O inneen Ghibon veih dty ghloyr, as soie ’sy joan; son hig spooilleyder Voab ort’s, as nee eh stroie dty chashtallyn lajer.

Ezekiel 30:6

Myr shoh ta’n Chiarn dy ghra, Adsyn myrgeddin ta fir-choonee Egypt nee ad tuittym, as bee mooaralys y phooar ecksh er ny lhieggal: veih toor Syene tuittee ad ayns shen, liorish y chliwe, ta’n Chiarn Jee dy ghra.

Ezekiel 31:10

Shen-y-fa myr shoh ta’n Chiarn Jee dy ghra, Er-yn-oyr dy vel oo er hroggal seose oo hene ayns yrjid, as t’eh er heeyney seose e vaare fud ny banglaneyn thollee, as dy vel e chree gatt ayns moyrn lesh yn yrjid.

Daniel 11:36

As nee yn ree lurg e aigney hene, as eh-hene y hroggal dy ard, as soiaghey seose eh-hene erskyn dy chooilley Yee, as loayree eh reddyn yindyssagh noi yn Jee dy yeeghyn, as hed eh er e hoshiaght, derrey vees y jymmoose er ny chooilleeney: son bee shen ta kiarit er ny yannoo mie.

Daniel 4:26

As son wheesh as dy doardee ad, dy aagail bun fraueyn y villey; bee dty reeriaght shickyr dhyt, lurg fys ’ve ayd dy vel ny niaughyn reill.

Daniel 4:28

Haink ooilley shoh er y ree Nebuchadnezzar.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Daniel 8:8

Shen-y-fa haink y ghoayr-yrryn dy ve feer niartal, as tra v’eh lajer, va’n eairk vooar er ny vrishey, as ’syn ynnyd haink seose kiare eairkyn cronnal, lesh ny kiare geayghyn yn aer.

Noo Luke 18:14

Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh-hene seose, er ny injillaghey; as bee eshyn ta dy injillaghey eh-hene, er ny hoiaghey seose.

Hebrewnee 3:13

Agh coyrlee-jee y cheilley gagh laa, choud as te enmyssit, Yn laa jiu: er-aggle dy bee veg eu er nyn greoghey liorish molteyrys peccah.

1 Samuel 6:6

Cre’n-fa eisht ta shiu creoghey nyn greeaghyn, myr ren ny Egyptianee as Pharaoh nyn greeaghyn y chreoghey? Tra v’eh er n’obbraghey dy yindyssagh ny mast’ oc, nagh lhig ad yn raad da’n pobble, as jimmee ad roue?