Daniel 5:17 - Yn Vible Casherick 1775 1819

¹⁷ Eisht dreggyr Daniel, as dooyrt eh fenish y ree, Freill dty yiootyn dhyt hene, as as cur dty leagh da fer elley, ny-yeih, lhaih-yms yn screeu da’n ree, as soilshee-ym da cre t’er ny hoiggal liorish.

Daniel 5:17 ပူးပေါင်းရင်းမြစ်များ

Genesis 14:23

Nagh goym nhee erbee, eer veih snaie gys strap-braagey, as nagh goym nhee erbee ta lhiat’s, nagh bee oyr ayd dy ghra, Ta mee er n’yannoo Abram berchagh;

2 Reeaghyn 3:13

As dooyrt Elisha rish ree Israel, Cre t’ayd dy yannoo rhym’s? fow royd gys phadeyryn dt’ayrey, as gys phadeyryn dty vayrey. As dooyrt ree Israel rish, Ny abbyr shen; son ta’n Chiarn er hayrn ny three reeaghyn shoh cooidjagh dy livrey ad gys laue Voab.

2 Reeaghyn 5:16

Agh dooyrt eh, Myr ta’n Chiarn bio, ayns e enish ta mee my hassoo, cha jean-ym veg y ghoaill. As hionn eh er dy ghoaill eh; agh dob eh.

2 Reeaghyn 5:26

As dooyrt eh rish, Nagh row my chree er dt’eiyrt’s, tra hyndaa’n dooinney reesht veih’n ainagh echey dy heet dty whail? Nee shoh traa dy ghoaill argid, as coamraghyn, as garaghyn-olive, as garaghyn-feeyney, as kirree, as dew, as fir-vooinjerey, as sharvaantyn?

Psalmyn 119:46

Loayr-yms jeh dty recortyssyn myrgeddin, dy jarroo fenish reeaghyn: as cha jean-ym nearey ’ghoaill.

Daniel 2:6

Agh my nee shiu yn dreamal y hoilshaghey dou, as cre t’er ny hoiggal liorish, yiow shiu voym giootyn, as leagh, as ooashley vooar: er-y-fa shen jeeagh-jee dou yn dreamal, as cre t’er ny hoiggal liorish.

Daniel 5:29

Eisht doardee Belshazzar, dy beagh Daniel er ny choamrey lesh scarleod, as dy chur boandey airhey mysh e wannal, as dy ockley magh order my-e-chione, Dy beagh eh yn trass reiltagh ayns y reeriaght.

Jannoo 8:20

Agh dooyrt Peddyr rish, Lhig da dty argid as oo hene cherraghtyn cooidjagh, er-yn-oyr dy vel oo er smooinaghtyn dy vod gioot Yee ve kionnit lesh argid.