Daniel 5:14 - Yn Vible Casherick 1775 1819

¹⁴ Ta mee er chlashtyn jeed’s, dy vel spyrryd ny flaunyssee aynyd, as dy vel soilshey, as tushtey, as ard-chreenaght ry-gheddyn aynyd’s.

Daniel 5:14 ပူးပေါင်းရင်းမြစ်များ

Genesis 41:15

As dooyrt Pharaoh rish Joseph, Ta mee er n’yannoo dreamal, as cha vel fer erbee oddys soilshey ’choyrt dou cre monney eh: as ta mee er chlashtyn eh raït my-dty-chione’s, dy vel toiggal ayd’s er dreamal, dy chur tushtey jeh.

Genesis 41:38

As dooyrt Pharaoh rish e hirveishee, C’raad yiow mayd y lheid shoh, dooinney ayn ta spyrryd Yee?

Daniel 2:22

T’eh soilshaghey magh ny nheeghyn dowin as follit, t’eh toiggal cre ta ’sy dorraghys, as mârishyn ta’n soilshey cummal.

Daniel 4:8

Agh fy-yerrey haink Daniel stiagh kiongoyrt rhym (va’n ennym echey Belteshazzar, cordail rish ennym my yee, as ayn ta spyrryd ny flaunyssee noo) as dasyn dinsh mee yn dreamal, gra,

Daniel 5:13

Eisht hug ad lhieu Daniel stiagh fenish y ree; as loayr y ree, as dooyrt eh rish Daniel, Nee uss yn Daniel shen, ta jeh cappeeys cloan Yudah, hug y ree my ayr lesh veih Jewry?

Daniel 5:15

As nish ta ny deiney-creeney, ny rollageydee er ve sumnit kiongoyrt rhym, dy lhaih yn screeu shoh, as soilshaghey cre t’er ny hoiggal liorish: agh cha daink eh lhieu shoh dy hoilshaghey bun y chooish.

Daniel 6:3

Eisht va’n Daniel shoh soit erskyn ny ard-reiltee as ny princeyn, er-yn-oyr dy row spyrryd erskyn-towse toiggalagh aynsyn; as chiare y ree dy hoiaghey eh harrish y slane rheam.