Daniel 5:13 - Yn Vible Casherick 1775 1819

¹³ Eisht hug ad lhieu Daniel stiagh fenish y ree; as loayr y ree, as dooyrt eh rish Daniel, Nee uss yn Daniel shen, ta jeh cappeeys cloan Yudah, hug y ree my ayr lesh veih Jewry?

Daniel 5:13 ပူးပေါင်းရင်းမြစ်များ

Ezra 10:16

As ren cloan y chappeeys myr shen: as ren Ezra yn saggyrt marish paart jeh’n chanstyr son thie nyn ayraghyn, as dagh unnane oc liorish nyn ennym v’er nyn bointeil, soie sheese er y chied laa jeh’n jeihoo vee dy eysht y chooish.

Ezra 10:7

As ren ad fockley magh order, trooid Judah as Jerusalem, da ooilley cloan y chappeeys, dy haglym ad-hene cooidjagh ec Jerusalem;

Ezra 4:1

Nish, tra cheayll noidyn Yudah as Venjamin, dy row cloan y chappeeys troggal chiamble gys y Chiarn, Jee Israel:

Ezra 6:16

As ren cloan Israel, ny saggyrtyn, as ny Leviteyn, as y chooid elley jeh cloan y chappeeys, freayll yn feailley son casherickey thie Yee lesh boggey.

Daniel 1:1

Ayns y trass vleïn jeh reill Yehoiakim ree Yudah, haink Nebuchadnezzar ree Vabylon gys Jerusalem, dy chaggey n’oï.

Daniel 1:2

As hug y Chiarn Jehoiakim ree Yudah fo’n laue echey, marish paart jeh siyn casherick thie Yee ad shoh hug eh lesh gys cheer Shinar, gys thie e Yee, as hug eh ny siyn ayns thie-tashtee e Yee.

Daniel 1:21

As shoh myr va Daniel, eer derrey’n chied vleïn jeh ree Cyrus.

Daniel 1:6

Nish ny mast’ oc shoh va, jeh cloan Yudah, Daniel, Hananiah, Mishael as Azariah:

Daniel 2:25

Eisht hug Arioch lesh Daniel stiagh dy tappee kionfenish y ree, as shoh myr dooyrt eh rish, Ta mee er gheddyn dooinney jeh cloan cappeeys Yudah nee soilshaghey da’n ree bun yn ashlish.

Daniel 2:48

Eisht ren y ree ny ghooinney ooasle jeh Daniel, as hug eh da ymmodee giootyn mooarey, as hug eh da yn reill harrish slane rheam Vabylon, as yn ard-chiannoortys harrish ooilley deiney-creeney Vabylon.

Daniel 5:11

Ta dooinney ayns dty reeriaght, ta spyrryd ny flaunyssee noo ayn, as rish lhing dty ayrey, va soilshey, as tushtey, as creenaght casley rish creenaght ny flaunyssee ry-gheddyn aynsyn; eh ren ree Nebuchadnezzar dty ayr ny vainshtyr harrish ny deiney-creeney, ny rollageydee, ny Caldeanee, as ny fir-ysseree.

Daniel 5:14

Ta mee er chlashtyn jeed’s, dy vel spyrryd ny flaunyssee aynyd, as dy vel soilshey, as tushtey, as ard-chreenaght ry-gheddyn aynyd’s.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Daniel 5:2

As tra va Belshazzar er-meshtey lesh feeyn, doardee eh dy hoiaghey roish ny siyn argid as airh, va e ayr Nebuchadnezzar er n’ghoaill ass y chiamble, va ayns Jerusalem, son y ree as e phrinceyn, e vraane-poost, as e cho-lhiabbee dy iu assdoo.

Daniel 6:13

Eisht dreggyr ad, as dooyrt ad kiongoyrt rish y ree, Cha vel Daniel shen, ta jeh cloan cappeeys Yudah jannoo soiaghey jeed, O ree, ny jeh’n slattys, t’ou er signal, agh t’eh goaill e phadjer three keayrtyn ’sy laa.

Daniel 8:1

Ayns y trass vleïn jeh reill ree Belshazzar, haink ashlish orrym, eer orrym’s Daniel, lurg shen haink orrym ec y toshiaght.

Daniel 8:27

As huitt mish Daniel my-neealloo, as va mee ching son earish: lurg shen hrog mee orrym, as hie mee mysh cooishyn y ree, as va mee ayns yindys dowin ec yn ashlish, agh va shoh gyn-yss da fer erbee.

Noo Ean 7:1

Ny lurg shoh duirree Yeesey ayns Galilee: son cha row eh booiagh cummal ayns Judea, er-yn-oyr dy row ny Hewnyn shirrey eh y varroo.

Noo Ean 7:3

Dooyrt e vraaraghyn er-y-fa shen rish, Faag y voayl shoh, as immee gys Judea, dy vod ny eiyrtee t’ayd ayns shen myrgeddin fakin ny obbraghyn t’ou dy yannoo.