Daniel 5:11 - Yn Vible Casherick 1775 1819

¹¹ Ta dooinney ayns dty reeriaght, ta spyrryd ny flaunyssee noo ayn, as rish lhing dty ayrey, va soilshey, as tushtey, as creenaght casley rish creenaght ny flaunyssee ry-gheddyn aynsyn; eh ren ree Nebuchadnezzar dty ayr ny vainshtyr harrish ny deiney-creeney, ny rollageydee, ny Caldeanee, as ny fir-ysseree.

Daniel 5:11 ပူးပေါင်းရင်းမြစ်များ

Genesis 41:38

As dooyrt Pharaoh rish e hirveishee, C’raad yiow mayd y lheid shoh, dooinney ayn ta spyrryd Yee?

2 Samuel 14:17

Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

Ezekiel 28:3

Cur-my-ner t’ou ny s’creeney na Daniel; cha vel folliaght erbee oddys ad y cheiltyn voïd:

Ezekiel 28:4

Lesh dty chreenaght as dty hoiggal t’ou er chosney dhyt hene berchys, as er gheddyn argid as airh ayns dty hashtaghyn:

Daniel 1:4

Cloan, nagh row assee erbee orroo, agh aalin as arryltagh gys creenaght, as aggindagh gys tushtey, as dy ghoaill ynsaghey, ny lheid’s va feeu dy hassoo ayns plaase y ree, as daue dy choyrt ynsaghey as glare ny Caldeanee.

Daniel 2:11

As te red neu-chadjin ta’n ree dy hirrey, as cha vel fer erbee elley oddys soilshaghey shoh fenish y ree, er-lhimmey jeh ny flaunyssee hene, nagh vel y cummal oc marish deiney.

Daniel 2:22

T’eh soilshaghey magh ny nheeghyn dowin as follit, t’eh toiggal cre ta ’sy dorraghys, as mârishyn ta’n soilshey cummal.

Daniel 4:18

Yn dreamal shoh ta mish ree Nebuchadnezzar er vakin: nish uss, O Velteshazzar, soilshee yn bun echey, son wheesh as nagh vel ooilley deiney-creeney my reeriaght son soilshaghey bun y chooish: agh t’ou uss er y hon, son ta spyrryd ny flaunyssee noo aynyd’s.

Daniel 4:5

Honnick mee ashlish, daggle mee, as ren ny smooinaghtyn er my lhiabbee, as ashlishyn my chione m’y voirey.

Daniel 4:6

Shen-y-fa doardee mee ooilley deiney-creeney Vabylon dy heet kiongoyrt rhym, dy hoilshaghey dou bree yn dreamal.

Daniel 5:14

Ta mee er chlashtyn jeed’s, dy vel spyrryd ny flaunyssee aynyd, as dy vel soilshey, as tushtey, as ard-chreenaght ry-gheddyn aynyd’s.

Daniel 5:7

Dyllee yn ree dy ard, ad dy chur lhieu stiagh ny rollageydee, ny Caldeanee, as ny fir-ysseree: as loayr y ree, as dooyrt eh rish deiney-creeney Vabylon, Quoi-erbee lhaihys yn screeu shoh, as ver dooys bun er, bee eh er ny choamrey lesh scarleod, as boandey airhey mysh e wannal, as bee eh yn trass reiltagh ’sy reeriaght.

Jannoo 12:22

As dyllee yn pobble, She coraa Yee t’ayn, as cha nee coraa dooinney.

Jannoo 14:11

As tra honnick y pobble cre va Paul er n’yannoo, hrog ad seose nyn goraaghyn, gra ayns glare Lycaonia, Ta ny Jeeghyn er jeet neose hooin ayns cummey deiney.

Jannoo 16:16

As haink eh gy-kione, myr va shin er y raad goll gys padjer, dy daink ben aeg dy row nyn guail, aynjee va spyrryd faishnee, as v’ee tayrn ymmodee cosney da ny mainshteryn eck, liorish e hobbeeys.

Ashlish 3:9

Cur-my-ner, ver-ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur-my-ner, ver-yms orroo cheet as ooashley ’choyrt ec dty chassyn, as toiggal dy vel mish er ve graihagh ort.