Daniel 5:1 - Yn Vible Casherick 1775 1819

¹ Ren Belshazzar y ree cuirraghyn mooarey da thousane jeh e hiarnyn, as diu eh feeyn marish y thousane.

Daniel 5:1 ပူးပေါင်းရင်းမြစ်များ

Genesis 40:20

As haink eh gy-kione er yn trass laa, va corrym gys y laa ruggyr Pharaoh, dy ren eh cuirraghyn da ooilley e ard-gheiney, as ren eh soiaghey seose yn ard-vutler, as yn ard-stiurt mastey ny fir-oik.

Esther 1:3

Ayns y trass vleïn jeh e reill, ren eh cuirraghyn da ooilley e phrinceyn, as e harvaantyn; pooaraghyn Phersia as Media, ard-gheiney as princeyn ny rheamyn ec y traa cheddin kionfenish.

Isaiah 22:12

As er y laa shen ren y Chiarn, Jee ny flaunyssee, geamagh erriu gys keayney, as gys dobberan, as gys meaylid, as dy chur erriu aanrit-sack:

Isaiah 22:14

Agh ve er ny ockley ayns my chleayshyn liorish Chiarn ny flaunyssee, Son shickyrys cha bee shiu er ny heyrey veih’n vee-chairys shoh, derrey yiow shiu baase, ta’n Chiarn, Jee ny flaunyssee, dy ghra,

Jeremiah 50:35

Ta’n cliwe er ny Caldeanee, ta’n Chiarn dy ghra, as er cummaltee Vabylon, as er ny princeyn, as er ny deiney creeney eck.

Jeremiah 51:39

Ayns chiass nyn rouanys aarlee-yms gien elley daue, as nee’m ad er-meshtey dy yannoo ching jeu, as dy hilgey ad ayns cadley trome kinjagh, nagh bee ad dy bragh er nyn ghoostey, ta’n Chiarn dy ghra.

Jeremiah 51:57

As nee’m ny princeyn eck er-meshtey, ny deiney creeney, ny captanyn, ny fir-reill, as ny treanee caggee: as hig cadley trome orroo, as gyn doostey, ta’n Ree dy ghra, ta e ennym Yn Chiarn ny flaunyssee.

Daniel 5:30

’Syn oie cheddin va Belshazzar ree ny Caldeanee er ny varroo.

Nahum 1:10

Son choud as t’ad cast fud-y-cheilley myr ny drineyn, as nyn geeayl voue, myr deiney meshtal, bee ad stroit myr stubble slane creen