Daniel 4:8 - Yn Vible Casherick 1775 1819

⁸ Agh fy-yerrey haink Daniel stiagh kiongoyrt rhym (va’n ennym echey Belteshazzar, cordail rish ennym my yee, as ayn ta spyrryd ny flaunyssee noo) as dasyn dinsh mee yn dreamal, gra,

Daniel 4:8 ပူးပေါင်းရင်းမြစ်များ

Genesis 41:38

As dooyrt Pharaoh rish e hirveishee, C’raad yiow mayd y lheid shoh, dooinney ayn ta spyrryd Yee?

Isaiah 46:1

Ta Bel lhoobey sheese, ta Nebo croymmey; va ny jallooyn oc er y maase, as er yn ollagh: va’n carriads eu trome laadit; t’ad errey da’n baagh tooillit.

Isaiah 63:11

Eisht chooinee eh er laghyn y chenn earish, er Moses as e phobble, gra, Cre vel eshyn hug lesh ad seose ass yn aarkey liorish bochilley e hioltane? cre vel eshyn hug e Spyrryd casherick er cheu-sthie jeh?

Jeremiah 50:2

Insh-jee magh mastey ny ashoonyn, as lhig daue clashtyn, as soie-jee seose yn mergey; cur-jee eam, as ny jean-jee keiltyn: abbyr-jee, Ta Babylon goit, ta Bel currit naardey, ta Merodach brisht ayns peeshyn; ta ny jeeghyn eck bun-ry-skyn, ny jallooyn eck nyn beeshyn mynney.

Ezekiel 17:23

Er yrjid slieau Israel soie-ym eh: as ver eh magh banganyn, as gymmyrkey mess, as bee eh ny cedar aalin: as fo nee dy chooilley cheint dy eeanlee skianagh taaghey, ayns scadoo e vanglaneyn nee ad fastee y ghoaill.

Daniel 1:7

Dauesyn hug yn ard-eunuch enmyn: son hug eh er Daniel yn ennym Belteshazzar, as er Hananiah, Shadrach, as er Mishael, Meshach, as er Azariah, Abed-nego.

Daniel 2:11

As te red neu-chadjin ta’n ree dy hirrey, as cha vel fer erbee elley oddys soilshaghey shoh fenish y ree, er-lhimmey jeh ny flaunyssee hene, nagh vel y cummal oc marish deiney.

Daniel 2:26

Dreggyr y ree, as dooyrt eh rish Daniel, va enmyssit Belteshazzar, Vel uss son soilshaghey dooys yn dreamal, as dy choyrt bun er?

Daniel 3:14

Loayr Nebuchadnezzar, as dooyrt eh roo, Nee’n irriney eh, O Shadrach, Meshach as Abed-nego? nagh vel shiuish shirveish ny jeeghyn aym’s, ny ooashlaghey yn jalloo airh, ta mish er hoiaghey seose?

Daniel 4:18

Yn dreamal shoh ta mish ree Nebuchadnezzar er vakin: nish uss, O Velteshazzar, soilshee yn bun echey, son wheesh as nagh vel ooilley deiney-creeney my reeriaght son soilshaghey bun y chooish: agh t’ou uss er y hon, son ta spyrryd ny flaunyssee noo aynyd’s.

Daniel 4:9

O Velteshazzar, ard-vainshtyr ny deiney-creeney, er-yn-oyr dy vel fys aym, dy vel spyrryd ny flaunyssee noo aynyd’s, as nagh vel folliaght erbee erskyn dty roshtyn, insh dou ashlishyn my ghreamal, ta mee er n’akin, as cre t’er ny hoiggal liorish.

Daniel 5:14

Ta mee er chlashtyn jeed’s, dy vel spyrryd ny flaunyssee aynyd, as dy vel soilshey, as tushtey, as ard-chreenaght ry-gheddyn aynyd’s.