Daniel 4:4 - Yn Vible Casherick 1775 1819

⁴ Va mish Nebuchadnezzar ec fea ayns my hie, as raahoil ayns my phlaase.

Daniel 4:4 ပူးပေါင်းရင်းမြစ်များ

Isaiah 56:12

Tar-jee, as adsyn, ver-ym lhiam feeyn as lhieen mayd shin hene lesh jough lajer, as bee mairagh myr y laa jiu, as foddey s’rouanee.

Jeremiah 48:11

Ta Moab er ve ec aash er dy foddey, as ec fea er e ghrundin: cha row eh folmit veih saagh gys saagh, chamoo t’eh er n’gholl gys cappeeys: shen-y-fa ta e vlass er hannaghtyn ayn, as cha vel e vree er n’gholl eig.

Ezekiel 28:17

Va dty chree troggit seose kyndagh rish dty aalid, t’ou er chaghlaa dty chreenaght ayns moyrn dty hollyssid: lhieg-yms oo gys y thalloo, ver-yms ort, dy lhie oo kiongoyrt rish reeaghyn, as oo dy ve son shilley daue.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Daniel 2:11

As te red neu-chadjin ta’n ree dy hirrey, as cha vel fer erbee elley oddys soilshaghey shoh fenish y ree, er-lhimmey jeh ny flaunyssee hene, nagh vel y cummal oc marish deiney.

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 5:8

Eisht haink stiagh ooilley deiney-creeney yn ree, agh cha daink eh lhieu dy lhaih yn screeu, ny dy hoilshaghey da’n ree, cre v’er ny hoiggal liorish.

Zephaniah 1:12

As hig eh gy-kione ec y traa shen, dy jean-yms ronsagh Jerusalem lesh cainleyn, as kerraghey ny deiney t’ec fea er nyn ghrundin; ta gra ayns nyn gree, Cha jean y Chiarn mie ny sie.