Daniel 4:36 - Yn Vible Casherick 1775 1819

³⁶ Ec y traa cheddin, haink my resoon hym reesht, as son gloyr my reeriaght, haink my ooashley as sollyssid hym, as ren my ir-choyrlee as my hiarnyn shirrey my yeï; as va mee er my niartaghey ayns my reeriaght, as va ard-ooashley reeoil sodjey er ny choyrt dou.

Daniel 4:36 ပူးပေါင်းရင်းမြစ်များ

Lioar Yob 13:12

Ta ny raaghyn eu myr y joan, as nyn girp myr kirp dy chray.

Raaghyn Creeney 22:4

Liorish injillid, as aggle y Chiarn ta cheet berchys, as ooashley, as bea.

Daniel 2:31

Honnick uss, O ree, as hug oo my-ner jalloo mooar; va’n jalloo mooar shoh, as erskyn-towse sollys, ny hassoo kiongoyrt rhyt, as va’n cummey echey atchimagh.

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn-earroo foddey smoo as dy bragh farraghtyn dy ghloyr;

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.