Daniel 4:34 - Yn Vible Casherick 1775 1819

³⁴ As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 4:34 ပူးပေါင်းရင်းမြစ်များ

2 Samuel 22:31

Er son Jee, ta e raad ynrick: ta goo’n Chiarn er ny phrowal: t’eh myr eïlley-caggee dauesyn ooilley ta treishteil ayn.

1 Recortyssyn 29:10

Shen-y-fa ren David y Chiarn y vannaghey fenish ooilley’n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

1 Recortyssyn 29:13

Nish er-y-fa shen, nyn Yee, ta shin cur booise dhyt, as ard-voylley da dt’ennym gloyroil.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Psalmyn 10:16

Dy vod oo goaill y chooish ayns dty laue hene: ta’n boght coyrt e varrant hood’s; son uss yn fer-coonee ocsyn ta gyn caarjyn.

Psalmyn 102:24

Agh dooyrt mee, O my Yee, ny gow mee ersooyl ayns mean m’eash: er son dty vleeantyn’s t’ad farraghtyn trooid dy chooilley heeloghe.

Psalmyn 107:15

O dy jinnagh deiney er-y-fa shen yn Chiarn y voylley son e vieys: as fockley magh ny yindyssyn t’eh dy yannoo son cloan gheiney!

Psalmyn 107:22

Dy jebbagh ad da oural dy hoyrt-booise: as ny obbraghyn echey y ockley magh lesh gennallys.

Psalmyn 107:31

O dy jinnagh deiney er-y-fa shen yn Chiarn y voylley son e vieys: as fockley magh ny yindyssyn t’eh dy yannoo son cloan gheiney!

Psalmyn 107:8

O dy jinnagh deiney er-y-fa shen yn Chiarn y voylley son e vieys: as fockley magh ny yindyssyn t’eh dy yannoo son cloan gheiney!

Psalmyn 111:7

Ta obbraghyn e laueyn ynrickys as briwnys: ta ooilley e annaghyn firrinagh.

Psalmyn 121:1

Trog-ym seose my hooillyn gys ny croink: vouesyn ta my chooney cheet.

Psalmyn 123:1

Hood’s ta mee troggal seose my hooillyn: O uss ta cummal ayns ny niaughyn.

Psalmyn 145:13

Ta’n reeriaght ayd’s reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Psalmyn 146:10

Bee yn Chiarn dty Yee, O Sion, ny Ree er son dy bragh: as trooid magh dy chooilley heeloghe.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Psalmyn 66:7

O cur-jee moylley da’n Jee ain, shiuish phobble: as cur-jee er coraa e voylley dy ve er ny chlashtyn;

Psalmyn 7:17

Son hig e obbyr er e chione hene: as tuittee yn olkys echey er e vollag hene.

Psalmyn 9:2

Beem’s gennal as goym boggey aynyd’s: dy jarroo, my arraneyn nee’m y yannoo jeh dty Ennym, O Uss smoo Ard.

Psalmyn 92:1

Te red gerjoilagh dy chur booise da’n Chiarn: as dy ghoaill arraneyn-moyllee gys dt’Ennym’s, O Uss smoo syrjey;

Isaiah 13:11

As neem’s kerraghey yn seihll son nyn ghrogh-yannoo, as ny mee-chrauee son nyn neu-chairys; as ver-ym er kione-ardys yn vooinjer voyrnagh dy scuirr, as ver-ym sheese dy injil mooaralys yn vooinjer atchimagh.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 24:15

Shen-y-fa jean-jee yn Chiarn y ghloyraghey ayns ny coanyn, dy jarroo ennym y Chiarn, Jee Israel, ayns ellanyn yn aarkey.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Dobberan 3:38

Nagh vel mie as sie cheet magh ass beeal yn er-syrjey?

Daniel 12:7

As cheayll mee yn dooinney coamrit ayns aanrit, va er ushtaghyn ny hawin, tra chum eh seose e laue yesh, as e laue hoshtal gys niau, as loo eh liorishyn ta bio son dy bragh, dy bee eh son traa, traaghyn, as lieh traa, as tra vees eh dy slane bollagh er chooilleeney scaalhean pooar y phobble casherick, bee ooilley ny reddyn shoh jeant mie.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 4:2

By-haittin lhiam dy hoilshaghey ny cowraghyn as yindyssyn, ta’n Jee ard er n’obbraghey orrym.

Daniel 4:26

As son wheesh as dy doardee ad, dy aagail bun fraueyn y villey; bee dty reeriaght shickyr dhyt, lurg fys ’ve ayd dy vel ny niaughyn reill.

Daniel 4:3

S’mooar ta e chowraghyn! as s’niartal ta e yindyssyn! ta’n reeriaght echeysyn reeriaght dy bragh farraghtyn, as e reiltys veih sheeloghe gys sheeloghe.

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:36

Ec y traa cheddin, haink my resoon hym reesht, as son gloyr my reeriaght, haink my ooashley as sollyssid hym, as ren my ir-choyrlee as my hiarnyn shirrey my yeï; as va mee er my niartaghey ayns my reeriaght, as va ard-ooashley reeoil sodjey er ny choyrt dou.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Daniel 5:21

As v’eh eebrit magh veih cloan gheiney; as haink e chree dy ve myr cree baagh, as va e chummal mârish ny assylyn oaldey: ren eh gyndyr er faiyr myr ny dew, as va e chorp fluigh lesh druight yn aer; derrey hooar eh toiggal, dy vel y Jee smoo syrjey reill ayns reeriaght deiney, as dy vel eh soiaghey harrish quoi-erbee saillish hene.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Daniel 7:27

As bee yn reeriaght as y reiltys, as mooadys y reeriaght fo ooilley niau, er ny choyrt da pobble noo yn er smoo syrjey, ta e reeriaght reeriaght dy bragh farraghtyn, as nee dy chooilley reiltys shirveish, as cur biallys da.

Daniel 9:14

Shen-y-fa va sooill ec y Chiarn gys yn olk, as t’eh er choyrt lesh orrin eh: son ta’n Chiarn y Jee ain cairal ayns ooilley e obbraghyn t’eh dy yannoo: son cha dug shin biallys da e choraa.

Jonah 1:14

Shen-y-fa, deïe ad gys y Chiarn, as dooyrt ad, Ta shin guee ort, O Hiarn, ta shin guee ort, ny lhig dooin cherraghtyn son bioys yn dooinney shoh, as ny cur gys nyn lieh yn uill gyn-loght; son t’ou uss, O Hiarn, er n’yannoo myr s’gooidsave lhiat.

Micah 4:7

As ver-ym sluight jeeish va baccagh, as neem’s ashoon lajer jeeish va eiyrit foddey magh; as nee yn Chiarn reill harrystoo ayns cronk Zion, veih shoh magh dy jarroo son dy bragh.

Noo Luke 1:33

As nee eh reill harrish thie Yacob gys earishyn foddey beayn, as er e reeriaght cha bee jerrey erbee.

Noo Luke 18:13

As hass y publican foddey veih, as cha by-lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

1 Timothy 1:17

Nish gys y Ree dy bragh beayn, va er-dy-rieau, nagh vod ve er ny akin, gys yn ynrycan Jee creeney, dy row ooashley as gloyr, son dy bragh as dy bragh. Amen.

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

Ashlish 10:6

As loo eh liorishyn ta bio son dy bragh as dy bragh, chroo niau, as ny reddyn t’ayn, as y thalloo, as ny reddyn t’ayn, as yn aarkey, as ny reddyn t’ayn, nagh beagh traa ny sodjey:

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 4:10

Ta ny kiare shanstyryn as feed tuittym sheese kiongoyrt rishyn va ny hoie er y stoyl-reeoil, as coyrt ooashley dasyn ta bio son dy bragh as dy bragh, as t’ad ceau sheese ny attaghyn oc kiongoyrt rish y stoyl-reeoil, gra,

Ashlish 4:9

As choud as ta ny cretooryn shen coyrt gloyr, as ooashley, as booise dasyn va ny hoie er y stoyl-reeoil, ta bio son dy bragh as dy bragh.