Daniel 4:30 - Yn Vible Casherick 1775 1819

³⁰ Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Daniel 4:30 ပူးပေါင်းရင်းမြစ်များ

Genesis 10:10

As va toshiaght e reiltys ayns Babel, as Erech, as Accad, as Calneh, ayns cheer Shinar.

Esther 1:4

Tra hoilshee eh magh berchys e reeriaght ghloyroil, as onnor e ard-ooashley reeoil, ymmodee laghyn, eer nuy-feed laa.

Psalmyn 104:1

Bannee yn Chiarn, O m’annym: O Hiarn my Yee, t’ou erskyn-towse gloyroil, t’ou er ny choamrey lesh Ard-ooashley as onnor.

Psalmyn 49:20

Dooinney ta ayns ooashley as fegooish tushtey: t’eh er ny hoylaghey gys ny beïyn ta cherraghtyn.

Psalmyn 73:8

T’ad mhilley sleih elley, as dy mee-chrauee loayrt goan mollaghtagh: ta’n ghlare oc noi yn Er-syrjey;

Raaghyn Creeney 11:2

Raad ta moyrn, ta nearey mârish: agh ta creenaght marish ny imlee.

Raaghyn Creeney 16:18

Ta moyrn goll roish toyrt-mow; as cree mooaralagh roish lhieggey.

Raaghyn Creeney 29:23

Tayrnys e voyrn dooinney sheese dy injil; agh eiyrys ooashley orroosyn ta imlee ayns cree.

Isaiah 13:19

As bee Babylon, gloyr ny reeriaghtyn, aalid ooashley ny Caldeanee, myr y traa ren Jee Sodom as Gomorrah y stroie.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Daniel 4:31

Choud as va’n goo foast ayns beeal y ree, haink coraa veih niau, gra, Ort’s, O ree Nebuchadnezzar, te sarit, Ta’n reeriaght er n’immeeaght voïd’s.

Habakkuk 1:11

Eisht bee e chree er ny chaghlaa, as hed eh magh fo kerraghey, son lhiasaghey shoh e phooar gys e yee.

Noo Luke 14:11

Son quoi-erbee ta dy hoiaghey eh-hene seose, bee eh er ny injillaghey; as eshyn ta dy injillaghey eh-hene, bee eh er ny hoiaghey seose.

Noo Luke 14:9

As dy jig eshyn ren shiu nyn-neesht y chuirrey, as dy jir eh rhyt, Cur raad da’n dooinney shoh; as dy jean oo toshiaght lesh nearey dy ghoaill y stoyl s’inshley.

1 Corinthianee 10:31

Shen-y-fa edyr shiu ve gee ny giu, ny cre-erbee ta shiu dy yannoo, jean-jee ooilley gys gloyr Yee.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.

Ashlish 14:8

As haink geiyrt er ainle elley, gra, Ta Babylon er duittym, er duittym, yn ard-valley mooar shen, son dy dug ee er dy chooilley ashoon dy iu jeh feeyn yn vaarderys eck.

Ashlish 16:19

As va’n ard-valley mooar scart ayns three ayrnyn, as va ard-valjyn ny Hashoonee er nyn lhieggal: as haink ard-valley mooar Vabylon ayns cooinaghtyn fenish Yee, dy choyrt jee yn cappan feeyney jeh dewilys e yymmoose.

Ashlish 17:5

As er glaare yn eddin eck va ennym scruit, FOLLIAGHT, YN BABYLON MOOAR, MOIR STREEBEEYN AS REDDYN FEOHDOIL Y THEIHLL.

Ashlish 18:10

Shassoo foddey jeh son aggle jeh’n torchagh eck, gra, Ah treih, treih, yn ard-valley mooar shen Babylon, yn ard-valley mooar lajer shen! son ayns un oor ta dty vriwnys er jeet.

Ashlish 18:21

As hrog ainle niartal clagh casley rish clagh vooar wyllin, as cheau eh eh ’sy cheayn, gra, Er yn aght shoh lesh niart breeoil vees yn ard-valley mooar shen Babylon er ny hilgey sheese, as cha bee ee arragh ry-gheddyn.