Daniel 4:27 - Yn Vible Casherick 1775 1819

²⁷ Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Daniel 4:27 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

1 Reeaghyn 21:29

Vel uss fakin kys ta Ahab dy injillaghey eh-hene kiongoyrt rhym? Er-yn-oyr dy vel eh ginjillaghey eh-hene kiongoyrt rhym, cha der-ym lhiam yn kerraghey ayns ny laghyn echeysyn; agh ayns laghyn e vac ver-ym lhiam yn kerraghey er e hie.

Psalmyn 119:46

Loayr-yms jeh dty recortyssyn myrgeddin, dy jarroo fenish reeaghyn: as cha jean-ym nearey ’ghoaill.

Raaghyn Creeney 11:2

Raad ta moyrn, ta nearey mârish: agh ta creenaght marish ny imlee.

Raaghyn Creeney 16:6

Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Isaiah 10:13

Son t’eh gra, Liorish niart my laue hene, ta mee er n’yannoo eh, as liorish my chreenaght; son ta mee tushtagh: as ta mee er scughey cagleeyn y phobble, as er spooilley ny tashtaghyn oc, as ta mee er chur fo-chosh ny cummaltee, myr dooinney dunnal:

Isaiah 47:10

Son t’ou er hreishteil ayns dty vee-chraueeaght hene: t’ou er ghra, Cha vel unnane dy my akin. Ta dty chreenaght as dty hushtey er choyrt oo fo shaghrynys; as t’ou er ghra ayns dty chree, Shee mee hene t’ayn, as cha vel ayn agh mee.

Isaiah 47:8

Shen-y-fa clasht nish rish shoh, uss ven rouanagh as almoragh; ta gra ayns dty chree, Mish ta, as quoi agh mee hene? cha beem’s my hoie myr ben-treoghe, chamoo vees fys aym cre ta baase clienney:

Jeremiah 29:7

As shir-jee shee ard-valley nyn gappeeys, gys shen ta mish er choyrt shiu, as gow-jee padjer gys y Chiarn er e son: son ayns y chee ecksh bee yn shee euish.

Jeremiah 38:20

Agh dooyrt Jeremiah, Cha jean ad oo y livrey seose: cur biallys, ta mee guee ort, da coraa yn Chiarn, ta mee dy loayrt rhyt: as hig eh dy mie lhiat, as bee dty annym bio.

Ezekiel 18:7

As nagh vel er n’yannoo tranlaase er dooinney erbee, agh t’er chur reesht da’n jatter e yioal, nagh vel er spooilley dooinney erbee liorish aggair, er hirveish e arran er ny accryssee, as choodaghey yn roosteeyn lesh coamrey.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Ezekiel 29:9

As bee thalloo Egypt treigit, as naardey; as bee fys oc dy nee mish y Chiarn; er-yn-oyr dy vel ad er ghra, Ta’n awin shoh lhiam’s, as ta mee hene er n’yannoo eh.

Joel 2:14

Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Amos 6:13

Shiuish ta goaill boggey ayns red gyn veg, ta gra, Nagh vel shin er n’ghoaill dooin eairkyn lesh nyn niart hene?

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Habakkuk 1:11

Eisht bee e chree er ny chaghlaa, as hed eh magh fo kerraghey, son lhiasaghey shoh e phooar gys e yee.

Zephaniah 2:15

Shoh yn ard-valley boggyssagh, va cummal ayns soaillid, dooyrt ayns e cree, Ta mish ayn, as cha vel unnane erbee casley rhym: kys t’ee er jeet dy ve ny traartys, ynnyd son maase dy lhie sheese ayn! nee dagh fer hed shaghey thassane ayns craid, as craa e laue urree.

Noo Mian 3:8

Cur-jee magh nish er-y-fa shen messyn cooie dy arrys.

Noo Luke 11:41

Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

Jannoo 24:25

As myr v’eh resooney mychione cairys, sheeltys, as y vriwnys ry-heet, huitt Felix er-creau, as dansoor eh, Immee royd son y traa shoh, as cha leah’s yioym caa cooie er y hon, ver-ym fys ort.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 8:22

Gow arrys er-y-fa shen jeh dty olkys, as guee gys Jee, hoiggal dy vod smooinaghtyn dty chree v’er ny leih dhyt.

2 Corinthianee 5:11

Toiggal er-y-fa shen atchim y Chiarn, ta shin coyrlaghey deiney; agh ta’n ynrickys ainyn er ny hoilshaghey gys Jee, as ta mee treishteil neesht, dy vel eh er ny hoilshaghey gys ny cooinsheanseyn euish.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean-jee yn reamys shoh leshtal son yn eill, agh ayns graih shirveish-jee yn derrey yeh yn jeh elley.

Galatianee 5:22

Agh ta mess y Spyrryd, graih, boggey, shee, surranse-foddey, ymmyrkey meiygh, mieys, firrinys,

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

Ephesianee 4:28

Lhig dasyn ren geid, gyn geid arragh; agh ny sleaie lhig da laboragh, gobbraghey lesh e laueyn shen ny ta mie, dy vod ve echey dy choyrt da’n ymmyrchagh.

Deuteronomy 24:13

Er dy chooilley aght livreyee oo huggey e yioal reesht ec lhie ny greiney, dy vod eh cadley ayns e eaddagh hene, as oo y vannaghey: as bee shoh er ny choyrt gys dty lieh son cairys fenish y Chiarn dty Yee.

Deuteronomy 32:27

Agh lhig mee lhieu er coontey’n noid, nagh jinnagh nyn noidyn gymmyrkey ad hene dy mooaralagh, as gra, Niart nyn laue hene, as cha nee’n Chiarn, t’er n’yannoo ooilley shoh.

Deuteronomy 8:17

As dy jir oo ayns dty chree, My phooar, as niart my laue hene ta er chosney’n verchys shoh dou.

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.