Daniel 4:25 - Yn Vible Casherick 1775 1819

²⁵ Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:25 ပူးပေါင်းရင်းမြစ်များ

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 106:20

Myr shoh chaghlaa ad nyn ghloyr: gys co-chaslys baagh ta gee faiyr;

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.

Psalmyn 83:18

As bee fys oc, dy nee uss ta’n ennym ayd Jehovah: yn ynrycan Er smoo syrjey harrish ooilley yn seihll.

Jeremiah 27:5

Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 2:37

T’ou uss, O ree, dty ree dy reeaghyn, son ta Jee ny flaunys er choyrt dhyt reeriaght, pooar, as niart, as gloyr.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Daniel 4:16

Lhig da’n cree echey ve ceaghlit veih cree dooinney, as lhig da cree baagh ve currit da, as lhig da shiaght traaghyn goll harrish.

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:2

By-haittin lhiam dy hoilshaghey ny cowraghyn as yindyssyn, ta’n Jee ard er n’obbraghey orrym.