Daniel 4:23 - Yn Vible Casherick 1775 1819

²³ As son wheesh as dy vaik y ree arreyder, as fer flaunyssagh cheet neose veih niau, as gra, Lhieg sheese y billey, as stroie eh, ny-yeih faag bun ny fraueyn echey ayns y thalloo, eer lesh boandey yiarn as prash ayns faiyr meiygh yn vagheragh, as lhig da ve fluigh lesh druight yn aer, as lhig da’n cronney echey ve marish beïyn y vagheragh, derrey hed shiaght traaghyn harrish;

Daniel 4:23 ပူးပေါင်းရင်းမြစ်များ

Daniel 4:26

As son wheesh as dy doardee ad, dy aagail bun fraueyn y villey; bee dty reeriaght shickyr dhyt, lurg fys ’ve ayd dy vel ny niaughyn reill.

Daniel 5:21

As v’eh eebrit magh veih cloan gheiney; as haink e chree dy ve myr cree baagh, as va e chummal mârish ny assylyn oaldey: ren eh gyndyr er faiyr myr ny dew, as va e chorp fluigh lesh druight yn aer; derrey hooar eh toiggal, dy vel y Jee smoo syrjey reill ayns reeriaght deiney, as dy vel eh soiaghey harrish quoi-erbee saillish hene.

Daniel 8:13

Eisht cheayll mee noo loayrt, as dooyrt noo dy row rish yn noo shen ren loayrt: Caïd nee yn ashlish farraghtyn, yn oural-laaoil ve goit ersooyl, as loght yn traartys tannaghtyn, as yn ynnyd casherick, as e heshaght dy ve stampit fo-chosh?