Daniel 4:22 - Yn Vible Casherick 1775 1819

²² She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 4:22 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Genesis 28:12

As ren eh dreamal, as honnick eh myr aarey soit er y thalloo, as va’n mullagh echey roshtyn gys niau: as cur-my-ner, ainleyn Yee goll seose, as cheet neose er,

2 Samuel 12:7

As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

2 Recortyssyn 28:9

Agh va phadeyr y Chiarn ayns shen, va e ennym Oded: as hie eh magh quail y cheshaght-chaggee haink gys Samaria, as dooyrt eh roo, Cur-my-ner, er-yn-oyr dy row’n Chiarn Jee nyn ayraghyn corree rish Judah, t’eh er livrey ad gys nyn laue, as ta shiu er varroo ad ayns jymmoose, ta geamagh gys niau son cooilleeney.

Psalmyn 108:4

Son ta dty vyghin ny syrjey na ny niaughyn: as ta dty ynrickys roshtyn gys ny bodjallyn.

Psalmyn 36:5

Ta dty vyghin, O Hiarn, roshtyn gys ny niaughyn: as dty ynrickys gys ny bodjallyn.

Jeremiah 27:5

Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

Ezekiel 17:3

As abbyr, Myr shoh ta’n Chiarn Jee dy ghra, Haink gys Lebanon urley mooar lesh skianyn lheaney, liauyr skianagh, lane fedjagyn, aalin schimmeigagh, as ghow eh yn vanglane syrjey jeh’n cedar:

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 4:11

Daase y billey, as ve lajer, as va’n yrjid echey roshtyn gys niau, as y chilley echey gys ardjyn sodjey magh y thallooin.

Daniel 4:21

E ghuillagyn va aalin, as e vess ymmodee, as ayn va beaghey son ooilley; fo va oayll ec maase y vagheragh, as va eeanlee yn aer goaill ayns e vanglaneyn:

Daniel 4:29

Kione ny bleeaney v’eh shooyl ayns thie reeoil reeriaght Vabylon.

Daniel 4:36

Ec y traa cheddin, haink my resoon hym reesht, as son gloyr my reeriaght, haink my ooashley as sollyssid hym, as ren my ir-choyrlee as my hiarnyn shirrey my yeï; as va mee er my niartaghey ayns my reeriaght, as va ard-ooashley reeoil sodjey er ny choyrt dou.

Noo Mian 14:4

Son va Ean er ghra rish, Te noi yn leigh, ee dy ve ayd son ben.

Ashlish 18:5

Son ta e peccaghyn er roshtyn gys niau, as ta Jee er chooinaghtyn er y vee-chairys eck.