Daniel 4:19 - Yn Vible Casherick 1775 1819

¹⁹ Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 4:19 ပူးပေါင်းရင်းမြစ်များ

Genesis 31:35

As dooyrt ee rish e ayr, Ny lhig da my hiarn ve corree rhym, nagh voddym girree seose kiongoyrt rhyt; son ta mee myr te dooghyssagh da mraane: as ren eh ronsaghey, agh cha dooar eh ny jallooyn.

Genesis 32:18

Eisht abbyr uss, T’ad lesh dty harvaant Jacob; She gioot eh, er ny choyrt gys my hiarn Esau: as cur-my-ner, t’eh myrgeddin cheet nyn yeï.

Genesis 40:12

As dooyrt Joseph rish, Shoh ny ta er ny hoiggal liorish; Ta ny three banglaneyn cowraghey three laa.

1 Reeaghyn 18:7

As myr va Obadiah er y raad, cur-my-ner, haink Elijah ny whail: as hug eh enney er, as huitt eh er e eddin, as dooyrt eh, Nee uss shen my hiarn Elijah?

Exodus 32:32

Ny-yeih nish, my she dty aigney eh, leih daue nyn beccah; as mannagh jean oo, lhig dooys, ta mee guee ort, ve er my gholley ass dty lioar t’ou er scrieu.

Jeremiah 29:7

As shir-jee shee ard-valley nyn gappeeys, gys shen ta mish er choyrt shiu, as gow-jee padjer gys y Chiarn er e son: son ayns y chee ecksh bee yn shee euish.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Daniel 1:7

Dauesyn hug yn ard-eunuch enmyn: son hug eh er Daniel yn ennym Belteshazzar, as er Hananiah, Shadrach, as er Mishael, Meshach, as er Azariah, Abed-nego.

Daniel 2:26

Dreggyr y ree, as dooyrt eh rish Daniel, va enmyssit Belteshazzar, Vel uss son soilshaghey dooys yn dreamal, as dy choyrt bun er?

Daniel 2:37

T’ou uss, O ree, dty ree dy reeaghyn, son ta Jee ny flaunys er choyrt dhyt reeriaght, pooar, as niart, as gloyr.

Daniel 4:24

Shoh bun yn ashlish, O ree, as shoh oardagh yn Jee smoo syrjey, ta er jeet er my hiarn y ree:

Daniel 5:12

Son wheesh as dy row er ny gheddyn ayns y Daniel cheddin, eh denmys yn ree Belteshazzar, ard-spyrryd dy chreenaght, as tushtey, as toiggal cur bun er ashlishyn, as soilshaghey, feyshtyn, as reaghey cooishyn dorraghey: nish lhig da Daniel ve sumnit, as nee eshyn soilshaghey cre t’er ny hoiggal liorish.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Daniel 5:19

As er coontey yn ard-ooashley hug eh da, va dy chooilley phobble, ashoonyn as glaraghyn er-creau, as ayns aggle kiongoyrt rish: adsyn baillish, varr eh, as adsyn baillish, dreill eh bio, as adsyn baillish, hoie eh seose, as adsyn baillish, hug eh sheese.

Daniel 7:15

Va mish Daniel seaghnit ayns my spyrryd, cheu-sthie jeh my chorp, as va ashlishyn my chione dy my voirey.

Daniel 7:28

Choud shoh ta jerrey yn chooish. Er my hon’s Daniel, va my smooinaghtyn dy my heaghney, as neeal my eddin er ny chaghlaa orrym, agh dreill mee yn chooish ayns my chree.

Daniel 8:27

As huitt mish Daniel my-neealloo, as va mee ching son earish: lurg shen hrog mee orrym, as hie mee mysh cooishyn y ree, as va mee ayns yindys dowin ec yn ashlish, agh va shoh gyn-yss da fer erbee.

Habakkuk 3:10

Honnick ny sleityn oo, as v’ad er-creau; ren ny thooillaghyn ushtey lhieeney harrish: ren y diunid freaney lesh e choraa, as gatt seose dy ard er dagh cheu.

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

1 Samuel 24:8

Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yeï, chroym David lesh e eddin gys y thalloo, as hug eh ooashley da.

1 Samuel 26:15

As dooyrt David rish Abner, Uss ta dty ghooinney dunnal, as nagh vel dty lheid ayns Israel! Kys te eisht, nagh ghow kiarail share jeh dty hiarn y ree? son haink fer jeh’n pobble stiagh dy varroo yn ree dty hiarn.

1 Samuel 3:17

As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.