Daniel 4:18 - Yn Vible Casherick 1775 1819

¹⁸ Yn dreamal shoh ta mish ree Nebuchadnezzar er vakin: nish uss, O Velteshazzar, soilshee yn bun echey, son wheesh as nagh vel ooilley deiney-creeney my reeriaght son soilshaghey bun y chooish: agh t’ou uss er y hon, son ta spyrryd ny flaunyssee noo aynyd’s.

Daniel 4:18 ပူးပေါင်းရင်းမြစ်များ

Genesis 40:12

As dooyrt Joseph rish, Shoh ny ta er ny hoiggal liorish; Ta ny three banglaneyn cowraghey three laa.

Genesis 41:15

As dooyrt Pharaoh rish Joseph, Ta mee er n’yannoo dreamal, as cha vel fer erbee oddys soilshey ’choyrt dou cre monney eh: as ta mee er chlashtyn eh raït my-dty-chione’s, dy vel toiggal ayd’s er dreamal, dy chur tushtey jeh.

Genesis 41:8

As haink eh gy-kione ’sy voghrey, dy row e aigney seaghnit, as hug eh fys, as deïe eh er ooilley fir-obbee Egypt, as ooilley ny deiney creeney v’ayn; as dinsh Pharaoh e ghreamal daue; agh cha row unnane oddagh toiggal y choyrt da Pharaoh jeu.

Isaiah 19:3

As nee dunnallys Egypt failleil ayns y vean echey; as ver-yms yn choyrle echey naardey: as nee ad shirrey gys ny jallooyn, as gys fir-obbee, as gys fir-faishnee, as gys buitchyn.

Daniel 1:20

As ayns dy chooilley chooish dy chreenaght as toiggal, va’n ree briaght jeu, hooar eh ad jeih keayrtyn share na ooilley ny deiney-creeney as rollageydee v’ayns ooilley e reeriaght.

Daniel 2:38

As raad erbee dy vel cloan gheiney cummal, t’eh er choyrt fo dty laue, maase y vagheragh, as eeanlee yn aer, as er chur dhyt’s yn reill harrystoo ooilley: uss yn kione airhey shoh.

Daniel 2:7

Dreggyr ad reesht, as dooyrt ad, Lhig da’n ree ginsh da e harvaantyn yn dreamal; as ver mayd bun er yn ashlish.

Daniel 5:15

As nish ta ny deiney-creeney, ny rollageydee er ve sumnit kiongoyrt rhym, dy lhaih yn screeu shoh, as soilshaghey cre t’er ny hoiggal liorish: agh cha daink eh lhieu shoh dy hoilshaghey bun y chooish.

Daniel 5:8

Eisht haink stiagh ooilley deiney-creeney yn ree, agh cha daink eh lhieu dy lhaih yn screeu, ny dy hoilshaghey da’n ree, cre v’er ny hoiggal liorish.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.