Daniel 4:17 - Yn Vible Casherick 1775 1819

¹⁷ Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:17 ပူးပေါင်းရင်းမြစ်များ

1 Reeaghyn 21:25

Agh cha row fer erbee goll-rish Ahab, ren creck eh-hene dy obbraghey olkys ayns shilley’n Chiarn, eh ren Jezebel e ven y ghreinnaghey.

2 Recortyssyn 28:22

As ayns earish e arkys hie eh er e hoshiaght ayns peccah noi’n Chiarn. Shen ree Ahaz diu.

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 12:8

Nee oo ad y reaylley, O Hiarn: nee oo adsyn y choadey veih’n sheeloghe shoh son dy bragh.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Isaiah 6:8

Myrgeddin cheayll mee coraa yn Chiarn, gra, Quoi nee’m y choyrt, as quoi hed er chaghteraght er nyn son? Eisht dooyrt mee, Ta mish ayns shoh; lhig dooys goll.

Ezekiel 25:17

As cooilleen-yms kerraghey trome orroosyn lesh oghsan dewil; as bee fys ocsyn dy nee mish y Chiarn, tra ver-yms my vriwnyssyn trome nyn mastey.

Ezekiel 7:24

Shen-y-fa ver-ym lhiam y chooid smessey jeh ny ashoonee, as gowee ad ny thieyn oc daue hene: ver-yms sheese myrgeddin mooaralys y vooinjer niartal, as bee nyn ynnydyn casherick ny chaitnys.

Daniel 11:21

As ny ynnyd echeysyn reesht nee girree seose moodjeen dy ghooinney, dasyn nagh der ad ooashley yn reeriaght; agh hig eh stiagh dy sheeoil, as cosnee eh yn reeriaght lesh brynneraght.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 4:2

By-haittin lhiam dy hoilshaghey ny cowraghyn as yindyssyn, ta’n Jee ard er n’obbraghey orrym.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Romanee 13:1

Lhig da dy chooilley annym ve biallagh da ny pooaraghyn syrjey; son cha vel pooar ayn agh veih Jee: ta ny pooaraghyn t’ayn er nyn bointeil liorish Jee.

1 Corinthianee 1:28

As reddyn fardalagh y theihll, as reddyn nagh vel soiagh jeant jeu, ta Jee er reih, as reddyn nagh vel, dy chur mow ny reddyn t’ayn:

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

Ashlish 4:8

As v’ec dagh fer jeh ny kiare cretooryn shey skianyn mygeayrt-y-mysh, as v’ad lane dy hooillyn cheu-sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley-niartal, va, as ta, as ta ry-heet.

1 Samuel 2:8

T’eh troggal seose y boght ass y joan, as goaill yn jeirkagh veih’n thorran, dy hoiaghey ad mastey princeyn as dy chur daue stoyl dy ghloyr son eiraght: son lesh y Chiarn ta pillaryn y thallooin, as t’eh er hoiaghey yn seihll orroo.