Daniel 4:12 - Yn Vible Casherick 1775 1819

¹² Va ny duillagyn echey aalin, as e vess ymmodee, as ayn va beaghey son ooilley, va maase y vagheragh goaill fastee fo, as va eeanlee yn aer cummal ayns e vanglaneyn, as va dy chooilley eill er ny veaghey jeh.

Daniel 4:12 ပူးပေါင်းရင်းမြစ်များ

Lioar Yob 12:24

T’eh goaill ersooyl cree mooaralee yn thallooin, as cur orroo dy rouail ayns yn aasagh raad nagh vel cassan erbee.

Lioar Yob 14:7

Son ta hopes jeh billey my te giarit sheese, dy jean eh blaaghey reesht, as nagh jean e vanglane meiygh scuirr dy aase.

Lioar Yob 14:9

Ny-yeih, lesh bree yn ushtey ver eh magh blaa, as banglaneyn y ymmyrkey myr billey bio.

Dobberan 4:20

Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Ezekiel 17:23

Er yrjid slieau Israel soie-ym eh: as ver eh magh banganyn, as gymmyrkey mess, as bee eh ny cedar aalin: as fo nee dy chooilley cheint dy eeanlee skianagh taaghey, ayns scadoo e vanglaneyn nee ad fastee y ghoaill.

Ezekiel 31:17

Hie adsyn myrgeddin sheese gys niurin mârish, hucsyn t’er nyn stroie lesh y chliwe, as adsyn va’n roih echey, baghey fo’n scadoo echey ayns mean ny ashoonyn.

Daniel 4:14

Dyllee eh dy ard, as shoh myr dooyrt eh, Lhieg y billey, as giare jeh e vanganyn, crie sheese e ghuillagyn, as skah e vess; lhig da’n maase cosney ersooyl veih fo yn scadoo echey, as ny eeanlee veih e vanglaneyn.

Noo Mian 13:32

As ga dy nee eh sloo jeh dy chooilley rass: foast tra te er n’aase, eh smoo ta mastey lossreeyn, as te cheet dy ve ny villey: myr shen dy vel eeanlee yn aer cheet as goaill fastee ayns ny banglaneyn echey.

Noo Mark 13:32

Agh jeh’n laa as yn oor shen, cha vel fys ec dooinney erbee, ny ec ny ainleyn t’ayns niau, ny ec y Mac, agh yn Ayr.

Noo Mark 4:32

Agh tra te cuirt, te gaase seose, as cheet dy ve ny smoo na ooilley ny lossreeyn, as cur magh banglaneyn mooarey; myr shen dy vod eeanlee yn aer fastee y ghoaill fo’n scadoo echey.

Noo Luke 13:19

Te goll-rish grine dy rass mustard, ren dooinney y ghoaill, as y hilgey ayns e gharey, as daase eh, as haink eh dy ve ny villey vooar: as ren eeanlee yn aer fastee y ghoaill ayns ny banglaneyn echey.