Daniel 4:11 - Yn Vible Casherick 1775 1819

¹¹ Daase y billey, as ve lajer, as va’n yrjid echey roshtyn gys niau, as y chilley echey gys ardjyn sodjey magh y thallooin.

Daniel 4:11 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Ezekiel 31:12

As ta joarreeyn, mooinjer atchimagh ny ashoonyn, er yiarey sheese eh, as er vaagail eh: er ny sleityn as ayns ny glionteenyn ta e vanglaneyn er duittym, as ta ny banganyn echey er nyn mrishey liorish ooilley awinyn y cheer, as ta ooilley pobble y theihll chea ersooyl veih fo yn scadoo echey, as er hreigeil eh.

Ezekiel 31:5

Shen-y-fa va’n yrjid echey erskyn ooilley biljyn y vagheragh, as va e vanganyn er nyn mishaghey, as haink e vanglaneyn dy ve liauyr liorish yn ymmodee ushtey, tra v’eh gaase magh.

Noo Mian 11:23

As uss, Chapernaum, ta dty ooashley roshtyn gys niau, bee oo er dty hilgey sheese gys niurin: son dy beagh ny obbraghyn yindyssagh er ve jeant ayns Sodom, t’er ve jeant aynyd’s, veagh eh er ve er-mayrn gys y laa t’ayn jiu.

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,