Daniel 4:1 - Yn Vible Casherick 1775 1819

¹ Nebuchadnezzar y ree gys dy chooilley phobble, ashoon as glare er feaï-ny-cruinney, Shee dy row er ny vishaghey erriu.

Daniel 4:1 ပူးပေါင်းရင်းမြစ်များ

1 Recortyssyn 12:18

Eisht haink y spyrryd er Amasa, va’n ard-er jeh ny captanyn, as dooyrt eh; Lhiat’s ta shin, Ghavid, as er y cheu ayd’s, uss vac Yesse; shee, shee dy row hood, as shee gys dty ir-choonee; son ta dty Yee cooney lhiat. Eisht ren David goaill roo, as ren eh ad captanyn ’sy cheshaght.

Ezra 4:17

Eisht hug y ree ansoor gys Rehum yn ard-vriw, as gys Shimshai yn scrudeyr, as gys y chooid elley jeh’n cheshaght oc va cummal ayns Samaria, as gys y chooid elley cheu elley jeh’n awin, Bea as slaynt.

Ezra 5:7

Hug ad screeuyn huggey ayns ny goan shoh: Gys Darius y ree, dy row slane shee.

Esther 3:12

Eisht va scrudeyryn y ree er ny eam yn trass laa yeig jeh yn chied vee, as ve scruit cordail rish ooilley ny doardee Haman dauesyn v’ayns pooar fo yn ree, gys ny kiannoortyn va harrish dy chooilley heer, as fir-reill dagh pobble, cordail rish yn aght screeuee oc hene, as gys dy chooilley ashoon lurg nyn ghlare; ayns ennym ree Ahasuerus hie eh er scrieu, as ve sealit lesh fainey yn ree.

Esther 8:9

Eisht va scrudeyryn y ree er nyn eam ec y traa cheddin ’sy trass vee (ta shen yn vee Sivan) er y trass laa as feed jeh’n vee cheddin, as ve scruit (cordail rish ooilley ny va Mordecai er harey) gys ny Hewnyn, as gys ny kiannoortyn, as ny briwnyn, as fir-reill ny cheeraghyn, voish India gys Ethiopia, shey-feed as shiaght rheamyn, gys dagh rheam cordail rish y screeu oc hene, as gys dy chooilley phobble lurg nyn ghlare, as gys ny Hewnyn cordail rish y screeu, as y ghlare oc hene.

Daniel 3:29

Shen-y-fa ta mish jannoo slattys, Dy chooilley phobble, ashoon, as glare, loayrys nhee erbee noi Jee Shadrach, Meshach as Abed-nego, dy bee ad er ny yiarey ayns peeshyn, as ny thieyn oc jeant ny horran, er-yn-oyr nagh vel Jee erbee elley oddys livrey er yn aght shoh.

Daniel 3:4

Eisht ren yn armyder fockley-magh eam dy ard, Diuish te er ny harey, O phobble, ashoonyn as glaraghyn,

Daniel 6:25

Eisht scrieu Darius gys dy chooilley phobble, ashoonyn as glaraghyn, ta cummal feaï-ny-cruinney, Shee dy row er ny vishaghey erriu.

Daniel 6:27

T’eh livrey, as coyrt feaysley, as t’eh gobbraghey cowraghyn as yindyssyn, ayns niau, as er y thalloo, ta er livrey Daniel veih pooar ny lionyn.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Zechariah 8:23

Myr shoh ta Chiarn ny flaunyssee dy ghra, Ayns ny laghyn shen hig eh gy-kione, dy jean jeih deiney ass dy chooilley ghlare jeh ny ashoonee greme y ghoaill, eer greme er yn rumbyl echeysyn ta ny Hew, gra, Hed mayd mêriu: son ta shin er chlashtyn dy vel Jee mêriuish.

Jannoo 2:6

Nish tra hie yn skeeal jeh shoh magh, haink y pobble cooidjagh, as v’ad fo atchim erskyn-towse, er-yn-oyr dy row dy chooilley ghooinney clashtyn ad loayrt ayns glare e ghooie hene.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Ephesianee 1:2

Grayse dy row hiu, as shee veih Jee nyn Ayr, as veih’n Chiarn Yeesey Creest.

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

1 Peddyr 1:2

Reiht cordail rish tushtey ro-laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.