Daniel 3:8 - Yn Vible Casherick 1775 1819

⁸ Shen-y-fa ec y traa cheddin haink shiartanse dy Chaldeanee er-gerrey, as hug ad stiagh plaiynt noi ny Hewnyn.

Daniel 3:8 ပူးပေါင်းရင်းမြစ်များ

Esther 3:6

As cha beeagh lesh e laueyn y choyrt er Mordecai ny-lomarcan, son v’ad er n’insh da mychione pobble Vordecai: hir Haman, er-y-fa shen, caa dy stroie ooilley ny Hewnyn va trooid magh slane reeriaght Ahasuerus, eer pobble Vordecai.

Daniel 1:4

Cloan, nagh row assee erbee orroo, agh aalin as arryltagh gys creenaght, as aggindagh gys tushtey, as dy ghoaill ynsaghey, ny lheid’s va feeu dy hassoo ayns plaase y ree, as daue dy choyrt ynsaghey as glare ny Caldeanee.

Daniel 2:10

As dreggyr ny Caldeanee fenish y ree, as dooyrt ad, Cha vel dooinney er yn ooir, oddys soilshaghey cooish y ree: shen-y-fa cha vel ree erbee, ny reejerey, ny fer-reill erbee, ta er hirrey lheid ny reddyn veih dooinney-creeney erbee, ny rollageydagh, ny Caldean.

Daniel 2:2

Eisht doardee yn ree dy eamagh er ny deiney-creeney, as ny rollageydee, as ny fir-ysseree, as ny Caldeanee, dy hoilshaghey da’n ree e ghreamallyn: myr shen haink ad, as hass ad fenish y ree.

Daniel 3:7

Shen-y-fa ec y traa cheddin, tra cheayll ooilley yn pobble feiyr yn trumpet, feddan, claasagh, sackbut, psalteree, as dy chooilley cheint dy chiaulleeaght; huitt ooilley yn pobble, ny ashoonyn, as ny glaraghyn sheese, as hug ad ooashley da’n jalloo airh, va Nebuchadnezzar yn ree er hoiaghey seose.

Daniel 4:7

Eisht haink ny deiney-creeney, ny rollageydee, ny Caldeanee, as ny fir-faishnee, as dinsh mee daue yn dreamal, agh cha dug ad bun erbee er.

Daniel 6:4

Eisht va ny ard-reiltee as ny princeyn shirrey oyr plaiynt noi Daniel, mychione y reeriaght, agh cha dooar ad oyr ny foill: son wheesh as dy row eh firrinagh, chamoo va foill ny loght erbee ry-gheddyn ayn.

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.