Daniel 3:6 - Yn Vible Casherick 1775 1819

⁶ As quoi-erbee nagh jean tuittym sheese, as ooashley y choyrt, bee eh ceaut ’syn oor cheddin stiagh ayns mean coirrey aileagh-loshtee.

Daniel 3:6 ပူးပေါင်းရင်းမြစ်များ

Genesis 19:28

As yeeagh eh lesh Sodom as Gomorrah, as lesh ooilley yn cheer rea, as honnick eh, as cur-my-ner, hrog jaagh ny cheerey seose, myr jaagh coirrey.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Isaiah 44:17

As t’eh jannoo jee jeh’n chooid elley jeh, eer e yalloo grainnit: t’eh tuittym sheese kiongoyrt rish, as cur ooashley da, as t’eh guee huggey, as gra, Livrey mee, son t’ou uss my Yee.

Jeremiah 29:22

As my-nyn-gione bee mollaght-mynney troggit liorish ooilley cappeeys Yudah ta ayns Babylon, gra, Dy jean y Chiarn rhyt’s myr ren eh rish Zedekiah, as rish Ahab, ren ree Vabylon y roastey ’syn aile;

Daniel 2:5

Dreggyr y ree, as dooyrt eh rish ny Caldeanee, Ta’n red er n’gholl voym: mannagh jean shiu soilshaghey dou yn dreamal as bun y choyrt er, bee shiu er ny yiarey ayns peeshyn, as ny thieyn eu jeant ny horran.

Daniel 3:11

As quoi-erbee nagh jean tuittym sheese as cur ooashley, dy bee eh ceaut stiagh ayns mean y choirrey aileagh-loshtee.

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

Daniel 3:21

Eisht va ny deiney shoh kianlt ayns nyn gooatyn, nyn oashyryn, as nyn idd, as nyn eaddagh elley, as v’ad ceaut stiagh ayns mean yn choirrey aileagh-loshtee.

Daniel 3:7

Shen-y-fa ec y traa cheddin, tra cheayll ooilley yn pobble feiyr yn trumpet, feddan, claasagh, sackbut, psalteree, as dy chooilley cheint dy chiaulleeaght; huitt ooilley yn pobble, ny ashoonyn, as ny glaraghyn sheese, as hug ad ooashley da’n jalloo airh, va Nebuchadnezzar yn ree er hoiaghey seose.

Daniel 5:19

As er coontey yn ard-ooashley hug eh da, va dy chooilley phobble, ashoonyn as glaraghyn er-creau, as ayns aggle kiongoyrt rish: adsyn baillish, varr eh, as adsyn baillish, dreill eh bio, as adsyn baillish, hoie eh seose, as adsyn baillish, hug eh sheese.

Daniel 6:7

Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Noo Mian 13:42

As tilgee ad ad ayns coirrey aileagh: ayns shen vees keayney as snaggeraght feeacklyn.

Noo Mian 13:50

As tilgee ad ad ayns coirrey dy aile: ayns shen vees keayney as snaggeraght feeacklyn.

Noo Mian 4:9

As dooyrt eh rish, Ooilley shoh ver-ym’s dhyt’s, my huittys oo sheese, as ooashley ’chur dou.

Noo Mark 6:27

As chelleeragh hug y ree magh marrooder, as doardee eh cur lesh e chione: as hie eh, as hug eh yn kione jeh Ean ayns y phryssoon.

Ashlish 14:11

As ta jaagh yn torchagh oc goll seose son dy bragh as dy bragh: as cha vel fea oc oie ny laa, ta ooashlaghey yn veisht, as e yalloo, ny ocsyn ta goaill orroo cowrey e ennym.

Ashlish 9:2

As doshil eh yn diunid gyn-grunt, as dirree jaagh ass y diunid myr jaagh coirrey; as va’n ghrian as yn aer ayns dorraghys, kyndagh rish jaagh y diunid.