Daniel 3:28 - Yn Vible Casherick 1775 1819

²⁸ Eisht loayr Nebuchadnezzar, as dooyrt eh, Bannit dy row Jee Shadrach, Meshach as Abed-nego, ta er choyrt e ainle, as er livrey e harvaantyn, hug nyn marrant er, as er chaghlaa goo yn ree, as er livrey seose nyn girp, nagh jinnagh ad shirveish, ny ooashlaghey jee erbee, er-lhimmey jeh’n Jee oc hene.

Daniel 3:28 ပူးပေါင်းရင်းမြစ်များ

Genesis 9:26

As dooyrt eh, Bannit dy row Chiarn Jee Shem, as bee Canaan e harvaant.

1 Recortyssyn 5:20

As hooar ad y varriaght orroo, as va ny Hagariteyn er nyn livrey gys y laue oc, as ooilley ny va mâroo: son deïe ad gys Jee ayns y chaggey, as hug eh clashtyn daue, er-yn-oyr dy dug ad nyn marrant er.

2 Recortyssyn 20:20

As hie ad magh dy moghey gys faasagh Tekoa: as myr v’ad goll magh, hass Jehoshaphat, as dooyrt eh, Clasht-jee rhym’s, O Yudah, as shiuish chummaltee Yerusalem, cred-jee ayns y Chiarn nyn Yee, myr shen bee shiu er nyn niartaghey; cred-jee e adeyryn, myr shen nee shiu bishaghey.

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Ezra 1:3

Quoi ta ny mast’ eu jeh ooilley e phobble? e Yee dy row mârish, as lhig da goll seose gys Jerusalem t’ayns Judah, as troggal thie yn Chiarn, Jee Israel, (eshyn y Jee) ta ayns Jerusalem.

Ezra 6:11

Ta mee myrgeddin er n’yannoo decree, Quoi-erbee hed noi’n order shoh, lhig da fuygh ve raipit neose jeh e hie, as soit seose: lhig da hene ve croghit er, as e hie ve jeant ny horran son shoh.

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Psalmyn 147:11

Agh ta taitnys ec y Chiarn ayndoosyn ta goaill aggle roish: as ta coyrt nyn dreishteil ayns e vyghin.

Psalmyn 33:18

Dy livrey yn annym oc veih baase: as dy veaghey ad ayns earish dy ghenney.

Psalmyn 33:21

Lhig da dty chenjallys vyghinagh, O Hiarn, ve orrin: ’naght myr ta shin cur nyn dreishteil aynyd.

Psalmyn 34:22

Ta’n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Daniel 3:25

Dreggyr eh, as dooyrt eh, Cur-my-ner, ta mee fakin kiare deiney feayshlit, shooyl ayns mean yn aile, as cha vel assee erbee orroo, as ta cummey yn chiarroo er casley rish mac Yee.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 6:16

Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Noo Mian 4:10

Eisht dooyrt Yeesey rish, Ass my enish oo, Noid-ny-hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Jannoo 4:19

Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

Jannoo 5:19

Agh doshil ainle y Chiarn dorryssyn y phryssoon ayns yn oie, as hug eh lesh ad magh, as dooyrt eh,

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

1 Corinthianee 13:3

As ga dy rheynnin ooilley my chooid dy veaghey ny boghtyn, as ga dy jinnin my chorp dy ve er ny lostey, as gyn graih ve aym, cha vel eh jeh veg y vondeish dou.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 11:37

V’ad er nyn glaghey, v’ad giarit veih-my-cheilley lesh saaueyn, v’ad miolit, v’ad er nyn goyrt dy baase lesh y chliwe: hie ad noon as noal ayns craitnyn keyrragh, as craitnyn goair, ayns êgin, ayns seaghyn, as torchaghyn:

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.