Daniel 3:22 - Yn Vible Casherick 1775 1819

²² Shen-y-fa, er-yn-oyr dy row sarey yn ree jeean, as yn coirrey ass-towse cheh, ren bree yn aile stroie ny deiney shen, hrog seose Shadrach, Meshach as Abed-nego.

Daniel 3:22 ပူးပေါင်းရင်းမြစ်များ

1 Reeaghyn 13:28

As jimmee eh, as hooar eh yn corp echey ny lhie er y raad, as yn assyl as y lion nyn shassoo liorish y chorp: cha row’n lion er n’ee yn corp, ny er raipey yn assyl.

Exodus 12:33

As ren ny Egyptianee chionney er y pobble dy gheddyn ad dy tappee ersooyl ass y cheer; son dooyrt ad, Deiney marroo shin ooilley.

Raaghyn Creeney 11:8

Ta’n dooinney cairal livreit ass seaghyn, as ta’n drogh ghooinney cheet ’syn ynnyd echey.

Raaghyn Creeney 21:18

Bee ny mee-chrauee son feaysley da’n chloan ynrick, as y tranlaasagh son y dooinney jeeragh.

Daniel 1:7

Dauesyn hug yn ard-eunuch enmyn: son hug eh er Daniel yn ennym Belteshazzar, as er Hananiah, Shadrach, as er Mishael, Meshach, as er Azariah, Abed-nego.

Daniel 2:15

Dreggyr eh, as dooyrt eh rish Arioch captan y ree, Cre’n-fa ta’n order cha siyragh veih’n ree? Eisht hoilshee Arioch yn chooish da Daniel.

Daniel 6:24

As doardee yn ree, as hug ad lhieu ny deiney shen va er phlaiynt noi Daniel, as hilg ad ad ayns ooig ny lionyn, ad-hene, nyn gloan, as nyn mraane, as hooar ny lionyn mainshtyraght orroo, as vrish ad ooilley ny craueyn oc ayns peeshyn, my rosh ad gys grunt yn ooig.

Noo Mian 27:5

As hilg eh sheese ny peeshyn argid ayns y chiamble, as jimmee eh roish, as hie eh as ren eh eh-hene y chroghey.

Jannoo 12:19

As tra va Herod er n’yannoo briaght er, as nagh dooar eh skeeal jeh, deysht eh ny sidooryn, as doardee eh ad dy v’er ny choyrt gy-baase. As hie eh sheese veih Judea gys Cesarea, as duirree eh ayns shen.