Daniel 3:2 - Yn Vible Casherick 1775 1819

² Eisht hug Nebuchadnezzar y ree chaghteraght dy haglym cooidjagh ny princeyn, ny kiannoortyn, ny captanyn, ny briwnyn, ny fir-tashtee, ny fir-choyrlee, ny toshee-yioarree, as ooilley fir-reill ny rheamyn, dy heet gys casherickey yn jalloo, va Nebuchadnezzar yn ree er hoiaghey seose.

Daniel 3:2 ပူးပေါင်းရင်းမြစ်များ

1 Reeaghyn 12:32

As doardee Jeroboam feailley er yn hoghtoo vee, er y wheiggoo laa yeig jeh’n vee, casley rish yn feailley t’ayns Judah, as hie eh seose gys yn altar, (myr shoh ren eh ayns Beth-el,) dy hebbal oural gys ny lheiyee v’eh er n’yannoo: as hoie eh ayns Beth-el saggyrtyn ny ynnydyn ardey v’eh er n’yannoo.

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Daniel 3:27

As honnick ny princeyn, ny kiannoortyn, as captanyn, as fir-choyrlee yn ree, va er jaglym cooidjagh, ny deiney shoh, er ny kirp oc cha row pooar ec yn aile, chamoo va renaig eh nyn ghing daahjit, chamoo va caghlaa erbee er nyn goamraghyn, ny soar yn aile er jeet orroo.

Daniel 3:3

Eisht va ny princeyn, ny kiannoortyn, as captanyn, ny briwnyn, ny fir-tashtee, ny fir-choyrlee, ny toshee-yioarree, as ooilley fir-reill ny rheamyn er nyn jaglym cooidjagh gys casherickey yn yalloo, va Nebuchadnezzar yn ree er hoiaghey seose: as hass ad kiongoyrt rish y jalloo va Nebuchadnezzar er hoiaghey seose.

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

Ashlish 17:2

Mâree ta reeaghyn y theihll er n’yannoo maarderys, as ta cummaltee ny hooirey er ve er-meshtey lesh feeyn e maarderys.

Briwnyn 16:23

Eisht va chiarnyn ny Philistinee er nyn jaglym cooidjagh dy hebbal oural-ooasle gys Dagon yn jee oc, as dy ghoaill boggey: son dooyrt ad, Ta’n Jee ain er livrey Samson nyn noid gys nyn laue.