Daniel 3:19 - Yn Vible Casherick 1775 1819

¹⁹ Eisht va Nebuchadnezzar lane dy eulys, as va cummey e eddin er ny chaghlaa noi Shadrach, Meshach as Abed-nego: shen-y-fa, loayr eh, as doardee eh, dy jinnagh ad chiass shiaght keayrtyn smoo y choyrt ’sy choirrey na boallagh ve ayn.

Daniel 3:19 ပူးပေါင်းရင်းမြစ်များ

Genesis 31:2

As hug Jacob tastey da eddin Laban, as cur-my-ner, cha row eh lesh myr ve roïe.

Esther 3:5

As tra honnick Haman, nagh chroym Mordecai huggey, as nagh dug eh ooashley da, eisht va Haman lane dy sproght.

Esther 7:7

As dirree yn ree veih’n yien-feeyney ayns e eulys, as hie eh gys garey yn phlaase; as hass Haman seose dy yannoo aghin son e vioys gys Esther yn ven-reïn: son honnick eh dy row olk kiarit n’oï liorish y ree.

Psalmyn 76:10

Nee elgys dooinney chyndaa gys dty voylley: as yn elgys ocsyn nee uss eh y smaghtaghey.

Raaghyn Creeney 16:14

Ta jymmoose y ree myr chaghteryn baaish: agh nee dooinney creeney shen y veeinaghey.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Isaiah 51:23

Agh ver-yms eh ayns y laue ocsyn ta dy dty heaghney; ta er ghra rish dty annym, Croym sheese, dy vod mayd goll harrish: as t’ou er lhie dty chorp dy ve myr y thalloo, as myr y straïd, dauesyn hie harrish.

Daniel 2:12

Er shoh va’n ree jiarg-chorree, as eer er-finnue, as hug eh magh sarey dy stroie ooilley deiney-creeney Vabylon.

Daniel 3:13

Eisht doardee Nebuchadnezzar ayns farg as eulys, Shadrach, Meshach, as Abed-nego, dy heet ny enish? eisht hug ad lhieu ny deiney shoh fenish y ree.

Daniel 3:20

As doardee eh ny deiney s’troshee v’ayns e heshaght-chaggee, dy chiangley Shadrach, Meshach as Abed-nego, as dy cheau ad stiagh ayns mean yn choirrey aileagh-loshtee.

Daniel 5:6

Eisht va eddin y ree er ny chaghlaa, as va sneih er e aigney, myr shen dy row juntyn e veeghyn er ny lhaggaghey, as woaill e ghlioonyn noi-ry-hoi.

Daniel 6:24

As doardee yn ree, as hug ad lhieu ny deiney shen va er phlaiynt noi Daniel, as hilg ad ad ayns ooig ny lionyn, ad-hene, nyn gloan, as nyn mraane, as hooar ny lionyn mainshtyraght orroo, as vrish ad ooilley ny craueyn oc ayns peeshyn, my rosh ad gys grunt yn ooig.

Leviticus 26:18

As mannagh jean shiu foast, son ooilley shoh, geaishtagh rhym, eisht nee’m kerraghey shiu shiaght keayrtyn smoo son nyn beccaghyn.

Leviticus 26:21

As my hed shiu m’oï, as nagh n’eaisht shiu rhym; neem’s shiu y cherraghey shiaght filley, cordail rish nyn beccaghyn.

Leviticus 26:24

Eisht beem’s myrgeddin noi euish, as kerraghey shiu foast shiaght keayrtyn son nyn beccaghyn.

Leviticus 26:28

Eisht beem’s nyn ’oï eu eer ayns dewlys: as mish, mee hene, nee shiuish y smaghtaghey shiaght keayrtyn smoo son nyn beccaghyn.

Jannoo 5:33

Tra cheayll ad shen, v’ad guint gys y chree, as hug ad nyn goyrle dy cheilley dy chur ad dy baase.

Jannoo 7:54

Tra cheayll ad ny goan shoh v’ad guint gys y chree, as shleeu ad nyn veeacklyn er.