Daniel 3:17 - Yn Vible Casherick 1775 1819

¹⁷ My she shen myr te, ta slane fort ec y Jee ain, ta shin dy hirveish, dy livrey shin veih’n choirrey aileagh-loshtee, as nee eh shinyn y livrey ass dty laueyn’s, O ree.

Daniel 3:17 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 18:14

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

Lioar Yob 34:29

Tra t’eshyn cur shee, quoi eisht oddys jannoo anvea? as tra t’eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny-lomarcan:

Lioar Yob 5:19

Nee eh uss y livrey ayns shey seaghyn, eer ayns shiaght cha jig olk erbee dty choair.

Psalmyn 115:3

Er son y Jee ainyn, t’eh ayns niau: t’eh er n’yannoo myr s’gooidsave lesh.

Psalmyn 37:39

Er son ny drogh-yantee, nee ad cherraghtyn cooidjagh: as cronney ny mee-chrauee te, dy bee ad astyrit magh ec y jerrey.

Psalmyn 37:40

Agh ta saualtys y sleih cairagh cheet veih’n Chiarn: ta myrgeddin yn niart oc ayns y traa dy heaghyn.

Psalmyn 73:20

Shoh myr va my chree seaghnit: as hie eh eer trooid my veeghyn.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 54:14

Ayns ynrickys bee oo er dty hickyraghey: bee oo foddey veih tranlaase; son cha bee aggle ort: as bee oo foddey veih atchim; son cha jig eh dty choair.

Jeremiah 1:8

Ny bee aggle ort roish yn eddin oc: son ta mish mayrt dy dty livrey, ta’n Chiarn dy ghra.

Jeremiah 15:20

As neem’s uss y yannoo da’n pobble shoh dty voalley lajer prashey; as nee ad caggey rhyt, agh cha vow ad yn varriaght ort: son ta mish mayrt dy hauail oo, as dy livrey oo, ta’n Chiarn dy ghra.

Jeremiah 15:21

As livrey-ym oo ass laue ny mee-chrauee, as nee’m oo y eaysley veih pooar ny tranlaasee dewilley.

Daniel 3:26

Eisht haink Nebuchadnezzar er-gerrey gys beeal yn choirrey aileagh-loshtee, as loayr eh, as dooyrt eh, Shadrach, Meshach as Abed-nego, shiuish sharvaantyn y Jee smoo syrjey, tar-jee magh, as tar-jee gys shoh. Eisht haink Shadrach, Meshach as Abed-nego magh ass mean yn aile.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Daniel 6:16

Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Daniel 6:23

Eisht ghow yn ree boggey erskyn-towse jeh, as doardee eh daue dy hroggal Daniel ass yn ooig: eisht va Daniel troggit ass yn ooig, as cha row monney erbee dy assee er ny gheddyn er, er-yn-oyr dy ren eh credjal ayns e Yee.

Daniel 6:27

T’eh livrey, as coyrt feaysley, as t’eh gobbraghey cowraghyn as yindyssyn, ayns niau, as er y thalloo, ta er livrey Daniel veih pooar ny lionyn.

Micah 7:7

Shen-y-fa, jeeagh-yms gys y Chiarn; nee’m farkiaght son Jee my haualtys: nee my Yee mish y chlashtyn.

Noo Luke 1:37

Son da Jee cha bee nhee erbee neu-phossible.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

2 Corinthianee 1:10

Eh ren livrey shin veih baase cha dewil, as ta livrey shin: aynsyn ta shin treishteil dy jean eh foast livrey shin:

Hebrewnee 7:25

Shen-y-fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

1 Samuel 17:37

Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.