Daniel 3:13 - Yn Vible Casherick 1775 1819

¹³ Eisht doardee Nebuchadnezzar ayns farg as eulys, Shadrach, Meshach, as Abed-nego, dy heet ny enish? eisht hug ad lhieu ny deiney shoh fenish y ree.

Daniel 3:13 ပူးပေါင်းရင်းမြစ်များ

Genesis 4:5

Agh jeh Cain as jeh e oural cha ren eh soiaghey: as va Cain feer jymmoosagh, as va groam er e eddin.

Raaghyn Creeney 17:12

Lhig da muc-awin t’er choayl e quallianyn ve quaaltagh dooinney, roish ommydan ayns farg.

Raaghyn Creeney 27:3

Ta’n clagh trome, as ta’n genniagh errey doillee dy ymmyrkey: agh ta farg yn ommydan ny s’trimmey na ad ny-neesht.

Raaghyn Creeney 29:22

Ta dooinney fargagh bioghey anvea, as ta’n eulyssagh cur olk er y hoshiaght.

Daniel 1:7

Dauesyn hug yn ard-eunuch enmyn: son hug eh er Daniel yn ennym Belteshazzar, as er Hananiah, Shadrach, as er Mishael, Meshach, as er Azariah, Abed-nego.

Daniel 2:12

Er shoh va’n ree jiarg-chorree, as eer er-finnue, as hug eh magh sarey dy stroie ooilley deiney-creeney Vabylon.

Daniel 3:19

Eisht va Nebuchadnezzar lane dy eulys, as va cummey e eddin er ny chaghlaa noi Shadrach, Meshach as Abed-nego: shen-y-fa, loayr eh, as doardee eh, dy jinnagh ad chiass shiaght keayrtyn smoo y choyrt ’sy choirrey na boallagh ve ayn.

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mark 13:9

Agh jeeagh-jee shiuish diu hene: son livreyee ad shiu seose gys coonceilyn; as ayns ny quaiylyn vees shiu er nyn mwoalley, as ver ad lhieu shiu kiongoyrt rish fir-reill as reeaghyn er y choontey aym’s, dy ve son feanishyn jeem’s.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livreyee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir-reill er coontey yn ennym aym’s.

Noo Luke 6:11

As v’adsyn myr deiney baanrit; as hug ad nyn goyrle dy cheilley, cre dy yannoo rish Yeesey.

Jannoo 24:24

As lurg laghyn dy row, haink Felix as e ven Drusilla va ny Hew, as hug eh fys er Paul, as hug eh clashtyn da mychione y credjue ayns Creest.