Daniel 3:1 - Yn Vible Casherick 1775 1819

¹ Ren Nebuchadnezzar yn ree jalloo dy airh, va’n yrjid echey three-feed cubit, as e lheead shey cubityn: hoie eh seose eh ayns thalloo-rea Dura, ayns cheer Vabylon.

Daniel 3:1 ပူးပေါင်းရင်းမြစ်များ

1 Reeaghyn 12:28

Shen-y-fa ghow yn ree coyrle, as ren eh daa lheiy airh, as dooyrt eh roo, Te rouyr [tooilleil] diuish dy gholl seose gys Jerusalem: cur-my-ner dty yeeghyn, O Israel, hug lesh oo magh ass cheer Egypt.

Esther 1:1

Nish haink eh gy-kione ayns lhing Ahasuerus (shoh yn Ahasuerus shen ren reill voish India eer gys Ethiopia, harrish shey-feed as shiaght rheamyn).

Psalmyn 135:15

Er son jallooyn ny ashoonyn, cha vel ad agh argid as airh: obbyr laueyn deiney;

Exodus 20:23

Cha jean shiu diu hene mârym’s jeeghyn argid, chamoo nee shiu diu hene jeeghyn airhey.

Exodus 32:31

As hyndaa Moses reesht gys y Chiarn, as dooyrt eh, Oh, ta’n pobble shoh er n’yannoo peccah trome, as er n’yannoo daue hene jeeghyn dy airh.

Isaiah 2:20

Nee dooinney ayns y laa shen ceau gys ny lughee as ny craitnagyn, e yallooyn argid as e yallooyn airhey, ren ad, dagh dooinney da hene, dy ooashlaghey:

Isaiah 30:22

Nee shiu myrgeddin coontey myr neu-ghlen coodagh dty yallooyn grainnit dy argid, as coamrey dty yallooyn lheït dy airh: nee oo ad y cheau ersooyl myr aanrit neu-ghlen; jir oo rish, Fow ass my enish.

Isaiah 46:6

T’ad dy feoilt deayrtey magh airh ass y sporran, as towse argid ayns y veih, as t’ad failley gaaue-airh, as ta eshyn jannoo jee jeh: t’ad tuittym sheese; dy jarroo, t’ad ooashlaghey.

Jeremiah 10:9

Ta argid bwoailt magh ayns plaityn er ny chur lesh veih Tarshish, as airh veih Uphaz, obbyr y ghaaue-airh, as laueyn y lheieder: lesh gorrym as purple t’ad coamrit: t’ad ooilley obbyr gheiney schleioil.

Jeremiah 16:20

Jean dooinney jeeghyn y yannoo da hene, as cha nee jeeghyn ad?

Daniel 2:48

Eisht ren y ree ny ghooinney ooasle jeh Daniel, as hug eh da ymmodee giootyn mooarey, as hug eh da yn reill harrish slane rheam Vabylon, as yn ard-chiannoortys harrish ooilley deiney-creeney Vabylon.

Daniel 2:49

As hir Daniel er y ree, as hoie eh Shadrach, Meshach as Abed-nego harrish cooishyn rheam Vabylon: agh va Daniel soie [ny vriw] ayns giat y ree.

Daniel 3:14

Loayr Nebuchadnezzar, as dooyrt eh roo, Nee’n irriney eh, O Shadrach, Meshach as Abed-nego? nagh vel shiuish shirveish ny jeeghyn aym’s, ny ooashlaghey yn jalloo airh, ta mish er hoiaghey seose?

Daniel 3:30

Eisht hrog y ree Shadrach, Meshach as Abed-nego gys stayd ooasle ayns rheam Vabylon.

Daniel 5:23

Agh t’ou er n’irree-magh noi Chiarn ny flaunyssee, as t’ad er choyrt lhieu siyn [casherick] e hiamble kiongoyrt rhyt, as t’ou uss, as dty hiarnyn, as dty vraane, as dty cho-lhiabbee er n’iu feeyn assdoo: as t’ou er choyrt moylley da ny jeeghyn-jalloo dy argid, as airh, dy phrash, yiarn, fuygh as clagh, nagh vel fakin, ny clashtyn, ny toiggal: as y Jee shen, ayns y laue echey ta dty ennal, as ’syn enish echeysyn ta ooilley dty raaidyn, cha vel oo er ghloyraghey.

Daniel 5:4

Diu ad feeyn, as hug ad moylley da ny jeeghyn-jalloo dy airh, dy argid, dy phrash, dy yiarn, dy fuygh, as dy chlagh.

Hosea 2:8

Son cha dug ee geill, dy nee mish hug jee arroo, as feeyn, as ooil, as vishee mee yn argid as yn airh eck, ren ad y vaarail er Baal.

Hosea 8:4

T’ad er hoiaghey seose reeaghyn, agh cha nee liorym’s: t’ad er n’yannoo princeyn, agh noi my aigney’s: jeh nyn argid as nyn airh t’ad er n’yannoo jallooyn daue hene, dy choyrt ad-hene mow.

Habakkuk 2:19

Smerg dasyn, ta gra rish y fuygh, Dooisht oo; rish y chlagh yalloo, Trog ort, nee eh m’y ynsaghey! cur-my-ner t’eh coodit harrish lesh airh as argid, agh cha vel yn ennal edyr cheu-sthie jeh.

Jannoo 17:29

Son wheesh eisht as dy nee jeh Jee haink shin, cha lhisagh shin smooinaghtyn dy vel y Dooghys-Jee goll-rish airh, ny argid, ny clagh grainnit lesh schleï as aghtallys deiney.

Jannoo 19:26

Marish shoh ta shiu fakin as clashtyn, dy vel Paul shoh, cha nee ynrycan ec Ephesus, agh faggys trooid ooilley Asia, er choyrlaghey as er hayrn ersooyl ymmodee sleih, gra, nagh nee Jeeghyn ad ta jeant lesh laueyn:

Deuteronomy 7:25

Jallooyn grainnit ny jeeghyn oc nee shiu lostey lesh aile; cha der oo saynt da’n argid ny yn airh t’orroo, dy ghoaill eh dhyt hene, er-aggle dy bee oo er dty hayrn ayns ribbeh liorish: son te feohdoil da’n Chiarn dty Yee.

Ashlish 9:20

As y chooid elley jeh ny deiney nagh row er nyn stroie liorish ny kerraghyn agglagh shoh, cha ghow ad foast arrys son obbraghyn nyn laueyn, ayns gyn coyrt ooashley da jouyil, as jallooyn dy airh, dy argid, as prash, as clagh, as fuygh: nagh vod fakin, ny clashtyn, ny shooyl: