Daniel 2:45 - Yn Vible Casherick 1775 1819

⁴⁵ Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Daniel 2:45 ပူးပေါင်းရင်းမြစ်များ

Genesis 41:26

Ta ny shiaght booaghyn mie, cowraghey shiaght bleeantyn; as ta ny shiaght jeeassyn mie, shiaght bleeantyn: ta’n dreamal yn un chooid.

Genesis 41:28

Shoh’n red ta mee er loayrt rish Pharaoh: ny ta Jee kiarail dy yannoo, t’eh soilshaghey da Pharaoh.

Genesis 41:32

As son dy row yn dreamal er ny ghoobley da Pharaoh, te, er-yn-oyr dy vel y chooish er ny oardaghey liorish Jee, as nee Jee shen dy gerrit y chooilleeney.

2 Samuel 7:22

Shen-y-fa, s’mooar t’ou uss, O Hiarn Yee: son cha vel fer erbee casley rhyt, chamoo cheu-mooie jeed’s ta Jee erbee elley, cordail rish ooilley ny ta shin er chlashtyn lesh nyn gleayshyn.

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

Nehemiah 4:14

As yeeagh mee, as hrog mee orrym, as dooyrt mee rish ny ard-gheiney, as ny fir-reill, as rish y chooid elley jeh’n pobble, Ny gow-jee aggle roue: cooinee-jee er y Chiarn, ta ard as atchimagh, as jean-jee caggey son nyn mraaraghyn, nyn mec, as nyn inneenyn, ny mraane, as ny thieyn eu.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Lioar Yob 36:26

Cur-my-ner, ta Jee mooar, as cha vel enney ain er; chamoo oddys earroo ny bleeantyn echey ve er ny ronsagh magh.

Psalmyn 135:5

Son ta fys aym dy vel y Chiarn mooar: as dy vel y Chiarn ainyn erskyn dy chooilley yee.

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey erskyn roshtyn nyn dushtey.

Psalmyn 2:9

Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Psalmyn 48:1

Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Psalmyn 96:4

Son ta’n Chiarn mooar, as cha vod eh dy feeu ’ve er ny voylley: ta ny smoo dy aggle dy ve goit roishyn na dy chooilley Yee.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Daniel 2:24

Shen-y-fa hie Daniel stiagh gys Arioch, va’n ree er phointeil dy stroie deiney-creeney Vabylon; hie eh, as shoh myr dooyrt eh rish, Ny stroie uss nish deiney-creeney Vabylon: cur lhiat mish stiagh fenish y ree, as soilshee-yms da’n ree bun y chooish.

Daniel 2:28

Agh ta Jee ayns niau, ta soilshaghey folliaghtyn, as t’eh coyrt toiggal da’n ree Nebuchadnezzar, cre vees ayns ny laghyn jerrinagh. Yn dreamal ayd’s, as ashlishyn dty chione, er dty lhiabbee, v’ad shoh;

Daniel 2:29

(Er dty hon’s, O ree, haink smooinaghtyn dowin ayns dty chree er dty lhiabbee, cre va kiarit dy heet gy-kione ayns ny earishyn ny lurg shoh; as ta eshyn, ta soilshaghey folliaghtyn, coyrt dhyt’s toiggal cre ta kiarit dy heet:

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 8:25

As trooid e chialgeyrys, ver eh er croutyn bishaghey ny laue: as nee eh lane y hoiaghey jeh hene ayns [mooaralys] e chree, as ec e chah nee eh ymmodee y stroie: nee eh shassoo seose myrgeddin noi yn prince dy phrinceyn, agh bee eh er ny vrishey fegooish laue.

Haggai 2:22

As tilg-ym bun-ry-skyn stoyl-reeoil reeriaghtyn, as stroie-yms niart reeriaghtyn ny ashoonee, as tilg-ym bun-ry-skyn ny fainee, as adsyn ta markiaght ayndoo, as hig ny cabbil as ny markee gys y thalloo, dy chooilley unnane liorish cliwe e vraar.

Zechariah 12:3

As ayns y laa shen neem’s Jerusalem clagh hrome son dy chooilley phobble: bee dagh unnane ta laadey eh-hene lh’ee er ny vroo gys peeshyn, ga dy bee ooilley pobble ny hooirey er nyn jaglym cooidjagh noi eck.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Mian 21:24

As dreggyr Yeesey as dooyrt eh roo, Fên-yms jiuish un red; as my inshys shiu dou eh, insh-yms myrgeddin diuish, cre’n phooar t’aym dy yannoo ny reddyn shoh.

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

Noo Luke 17:20

As tra dênee ny Phariseeyn jeh, cre’n traa harragh reeriaght Yee? dreggyr eh ad, gra, Cha jig reeriaght Yee lesh stayd chronnal.

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.

Ashlish 1:19

Scrieu ny reddyn t’ou er vakin, as ny reddyn ta, as ny reddyn vees ny yeï shoh,

Ashlish 19:17

As honnick mee ainle ny hassoo ayns y ghrian; as deïe eh lesh ard choraa, gra rish dy chooilley eean ta getlagh ayns mean yn aer, Tar-jee, as chaggil-jee shiu hene dy cheilley gys shibber yn Jee mooar;

Ashlish 4:1

Lurg shoh yeeagh mee, as cur-my-ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh-ym dhyt reddyn shegin ve ny lurg shoh.