Daniel 2:4 - Yn Vible Casherick 1775 1819

⁴ Eisht loayr ny Caldeanee rish y ree ayns Syriack, Dy voddey beayn dhyt’s, O ree: insh da dty harvaantyn y dreamal, as soilshee mayd dhyt cre t’er ny hoiggal liorish.

Daniel 2:4 ပူးပေါင်းရင်းမြစ်များ

Genesis 31:47

As ren Laban genmys eh Jegar-sahadutha: agh denmys Jacob eh Galeed.

Genesis 41:8

As haink eh gy-kione ’sy voghrey, dy row e aigney seaghnit, as hug eh fys, as deïe eh er ooilley fir-obbee Egypt, as ooilley ny deiney creeney v’ayn; as dinsh Pharaoh e ghreamal daue; agh cha row unnane oddagh toiggal y choyrt da Pharaoh jeu.

1 Reeaghyn 1:25

Son t’eh er n’gholl sheese jiu, as er varroo ymmodee dew as muirht as niart kirree, as t’eh er chuirrey ooilley mec y ree, as captanyn yn armee, as Abiathar y saggyrt: as cur-my-ner t’ad gee as giu kiongoyrt rish, as gra, Dy saue Jee ree Adonijah.

1 Reeaghyn 1:31

Eisht chroym Bath-sheba sheese lesh e eddin gys yn ooir, as hug ee arrym da’n ree, gra, Lhig da my hiarn ree David ve foddey beayn.

2 Reeaghyn 18:26

Eisht dooyrt Eliakim mac Hilkiah, as Shebna, as Joah, rish Rab-shakeh, Loayr, ta mee guee ort, rish dty harvaantyn ayns glare ny Syrianee, (son ta shin dy hoiggal eh,) as ny jean taggloo rooin ayns glare ny Hewnyn, ayns clashtyn y pobble t’er y voalley.

Ezra 4:7

As ayns laghyn Artaxerxes scrieu Bishlam, Mithredath, Tabeel, as shiartanse elley jeu, gys Artaxerxes ree Phersia; as va’n screeuyn jeant as lhaiht ayns glare ny Syrianee.

Nehemiah 2:3

As dooyrt mee rish y ree, Dy row yn ree foddey beayn; kys oddym agh ve trimshagh, choud as ta’n ard-valley, ynnyd oanluckee my ayraghyn, ny lhie follym-faase, as ny giattyn eck stroit lesh aile?

Isaiah 36:11

Eisht dooyrt Eliakim as Shebna as Joah rish Rabshakeh, Loayr, ta mee guee ort, rish dty harvaantyn ayns glare ny Syrianee; son ta shin toiggal eh: as ny loayr rooin ayns glare ny Hewnyn, ayns clashtyn y phobble ta er y voalley.

Isaiah 44:25

Ta cur dyn veg cowraghyn ny breageryn; ta cur shaghrynys er ny fir-obbee; ta coyrt deiney creeney ass y raad, as jannoo nyn greenaght dy ve ommijys;

Daniel 1:4

Cloan, nagh row assee erbee orroo, agh aalin as arryltagh gys creenaght, as aggindagh gys tushtey, as dy ghoaill ynsaghey, ny lheid’s va feeu dy hassoo ayns plaase y ree, as daue dy choyrt ynsaghey as glare ny Caldeanee.

Daniel 2:7

Dreggyr ad reesht, as dooyrt ad, Lhig da’n ree ginsh da e harvaantyn yn dreamal; as ver mayd bun er yn ashlish.

Daniel 3:9

Loayr ad, as dooyrt ad rish y ree Nebuchadnezzar, Dy voddey beayn da’n ree!

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 4:7

Eisht haink ny deiney-creeney, ny rollageydee, ny Caldeanee, as ny fir-faishnee, as dinsh mee daue yn dreamal, agh cha dug ad bun erbee er.

Daniel 4:9

O Velteshazzar, ard-vainshtyr ny deiney-creeney, er-yn-oyr dy vel fys aym, dy vel spyrryd ny flaunyssee noo aynyd’s, as nagh vel folliaght erbee erskyn dty roshtyn, insh dou ashlishyn my ghreamal, ta mee er n’akin, as cre t’er ny hoiggal liorish.

Daniel 5:10

Nish er coontey goan y ree as e hiarnyn, haink y ven-reïn stiagh gys thie ny cuirraghyn, as loayr y ven-reïn, as dooyrt ee, Dy voddey beayn da’n ree! ny lhig da dty smooinaghtyn oo y heaghney, chamoo lhig da dty eddin ve er ny chaghlaa.

Daniel 5:8

Eisht haink stiagh ooilley deiney-creeney yn ree, agh cha daink eh lhieu dy lhaih yn screeu, ny dy hoilshaghey da’n ree, cre v’er ny hoiggal liorish.

Daniel 6:21

Eisht dooyrt Daniel rish y ree, Dy voddey beayn dhyt’s, O ree!

Daniel 6:6

Eisht haggil ny ard-reiltee as ny princeyn shoh cooidjagh gys y ree, as shoh myr dooyrt ad rish, Dy voddey beayn da’n ree Darius!

Daniel 6:7

Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Noo Mian 21:9

As deïe yn pobble hie roish, as adsyn haink ny yeï, gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

1 Samuel 10:24

As dooyrt Samuel rish ooilley’n pobble, Cur-jee my-ner yn dooinney ta’n Chiarn er reih, nagh vel e lheid mastey ooilley’n pobble: As deïe ooilley’n pobble, as dooyrt ad, Dy bannee Jee yn ree.