Daniel 2:39 - Yn Vible Casherick 1775 1819

³⁹ As dty lurg’s hroggys reeriaght elley ny s’faase na uss, as y trass reeriaght elley dy phrash, nee reill harrish ooilley yn seihll.

Daniel 2:39 ပူးပေါင်းရင်းမြစ်များ

Isaiah 44:28

Ta gra mychione Cyrus, T’eshyn my vochilley, as cooilleenee eh ooilley my aigney; eer gra rish Jerusalem, Bee oo er dty hroggal; as rish y chiamble, Bee dty undin er ny layal.

Daniel 10:20

Eisht dooyrt eh, Vel fys ayd’s, cre’n-oyr ta mee er jeet hood? as nish chyndaa-ym dy chaggey rish prince Phersia; as tra veem’s er n’gholl magh, cur-my-ner hig prince Ghrecia.

Daniel 2:32

Va kione y jalloo shoh jeh glen airh, e chleeau as e roihaghyn dy argid, e volg as e lheaystyn dy phrash,

Daniel 2:38

As raad erbee dy vel cloan gheiney cummal, t’eh er choyrt fo dty laue, maase y vagheragh, as eeanlee yn aer, as er chur dhyt’s yn reill harrystoo ooilley: uss yn kione airhey shoh.

Daniel 2:40

As bee yn chiarroo reeriaght lajer myr yiarn, son wheesh as dy vel yiarn brishey ayns peeshyn, as grineenaghey dy chooilley nhee; as casley rish yiarn ta brishey ad shoh ooilley, nee eh brishey ayns peeshyn as broo.

Daniel 7:23

Shoh myr dooyrt eh, Bee yn chiarroo veisht yn chiarroo reeriaght er y thalloo, nagh bee casley rish reeriaght erbee elley, as stroie-ys eh yn slane seihll, as nee eh stampey sheese eh, as brishey eh ayns peeshyn.

Daniel 8:20

Yn rea, honnick oo lesh daa eairk, t’ad reeaghyn Vedia as Phersia.

Daniel 8:21

As ta’n goayr geyshteenagh ree Ghrecia, as yn eairk vooar, ta eddyr e hooillyn, ta’n chied ree.

Zechariah 6:3

As ayns y trass ainagh va cabbil bane, as ayns y chiarroo ainagh va cabbil glass as doyn.

Zechariah 6:6

As ta ny cabbil doo t’ayn, goll magh gys y cheer-twoaie, as ta ny banee goll magh geiyrt orroo; as ta ny cabbil glassey goll magh gys y cheer-jiass.