Daniel 2:37 - Yn Vible Casherick 1775 1819

³⁷ T’ou uss, O ree, dty ree dy reeaghyn, son ta Jee ny flaunys er choyrt dhyt reeriaght, pooar, as niart, as gloyr.

Daniel 2:37 ပူးပေါင်းရင်းမြစ်များ

1 Reeaghyn 4:24

Son va reiltys echey harrish ooilley’n cheer er cheu shoh jeh’n awin, veih Tiphsah eer gys Azzah, harrish ooilley ny reeaghyn cheu shoh jeh’n awin: as va shee echey er dy chooilley heu mygeayrt-y-mysh.

2 Reeaghyn 25:28

As loayr eh dy dooie rish, as hoie eh yn stoyl-reeoil echey erskyn stuill-reeoil ny reeaghyn va mârish ayns Babylon;

2 Recortyssyn 36:23

Myr shoh ta Cyrus ree Phersia dy ghra, Ta’n Chiarn, Jee niau, er choyrt dooys ooilley reeriaghtyn y theihll, as t’eh er my harey dy hroggal thie da ayns Jerusalem, ta ayns Judah: quoi ny mast’ eu ta er-mayrn jeh ooilley e phobble? dy bee’n Chiarn e Yee mârish, as lhig da goll seose.

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Ezra 7:12

Artaxerxes, ree dy reeaghyn, Gys Ezra, yn saggyrt, scrudeyr slane ynsit ayns leigh Yee t’ayns niau, shee dy row hood, as ec lheid y traa.

Psalmyn 62:11

Loayr Jee un cheayrt, as daa cheayrt ta mish er chlashtyn y lheid cheddin: dy vel pooar bentyn gys Jee;

Raaghyn Creeney 8:15

Liorym’s ta reeaghyn reill, as princeyn shirveish cairys.

Isaiah 10:8

Son t’eh gra, Nagh vel my phrinceyn corrym rish reeaghyn?

Isaiah 47:5

Soie uss dty host, as stiagh oo ayns dorraghys, O inneen ny Caldeanee: son cha bee oo ny smoo enmyssit, Ard-lady ny reeriaghtyn.

Jeremiah 28:14

Son myr shoh ta Chiarn ny flaunyssee, Jee Israel, dy ghra, Ta mee er choyrt quing yiarn er mwannal ooilley ny ashoonyn shoh, dy vod ad shirveish Nebuchadnezzar ree Vabylon; as nee ad shirveish eh: as ta mee er choyrt dasyn beïyn y vagheragh myrgeddin.

Jeremiah 34:1

Yn goo haink gys Jeremiah veih’n Chiarn, tra ren Nebuchadrezzar ree Vabylon, as ooilley e heshaghtyn-caggee, as ooilley reeriaghtyn y thallooin va ’syn ammys echeysyn, as dy chooilley phobble, caggey noi Jerusalem, as noi ooilley e ard-valjyn gra,

Ezekiel 26:7

Son myr shoh ta’n Chiarn Jee dy ghra, Er Tyrus ver-yms lhiam Nebuchadrezzar ree Vabylon, ree dy reeaghyn, veih’n twoaie lesh cabbil, as lesh fainee, as lesh markee, as sheshaghtyn-caggee, as mooarane sleih.

Daniel 1:2

As hug y Chiarn Jehoiakim ree Yudah fo’n laue echey, marish paart jeh siyn casherick thie Yee ad shoh hug eh lesh gys cheer Shinar, gys thie e Yee, as hug eh ny siyn ayns thie-tashtee e Yee.

Daniel 2:31

Honnick uss, O ree, as hug oo my-ner jalloo mooar; va’n jalloo mooar shoh, as erskyn-towse sollys, ny hassoo kiongoyrt rhyt, as va’n cummey echey atchimagh.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:3

S’mooar ta e chowraghyn! as s’niartal ta e yindyssyn! ta’n reeriaght echeysyn reeriaght dy bragh farraghtyn, as e reiltys veih sheeloghe gys sheeloghe.

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Hosea 8:10

Dy jarroo, ga dy vel ad er vailley mastey ny ashoonee, nish nee’m ad y haglym, as cha bee nyn drimshey agh giare fo errey ree ny reejereeyn.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Noo Ean 19:11

Dreggyr Yeesey, Cha voddagh pooar erbee y ve ayd harrym’s, mannagh beagh eh er ny choyrt dhyt veih’n yrjid; shen-y-fa ta peccah smoo lhie ersyn ren m’y livrey hood.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:12

Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.